Әһли Бејт -АБНА- хәбәр аҝентлијинин вердији хәбәрә әсасән: Ҝәнҹә шәһәринин инанҹлылары дүнән фактхебер.ҹом сајтына мүраҹиәт едибләр. Онлар билдирибләр ки, дүнән Ҝәнҹәдә Гәдир-Хум бајрамы тәдбириндә иштирак едән инанҹлылар јенидән полис бөлмәсинә чағрылыблар. Полис бөлмәсинә чағырылан диндарлара Мәһәррәмлик ајы илә әлагәдар хәбәрдарлыг едилиб.
Хәбәрдарлыгда билдирилиб ки, Мәһәррәм ајында һеч ким евиндән бајыра чыхмасын. Һеч бир әзадарлыг мәҹлисиндә иштирак едилмәсин. Хүсуси илә дә Тасуа вә Ашура јүрүшү кечирләрсә, онлар барәсиндә ҹинајәт иши ачылаҹаг. Полис бөлмәсиндә һәмчинин бәзи фәал инанҹлылары һәдәләјәрәк билдирибләр ки, әҝәр јүрүш кечирсәниз, сизи дә руһани Фәхри вә Азәр кими һәбс едәҹәјик.
Гејд едәк ки, Ҝәнҹә шәһәриндә ҝениш Гәдир-Хум бајрамы кечирилиб. Тәбирдә руһаниләр, зијалылар вә ҝәнҹләр иштирак едиб. Тәдбирин сонунда еһсан зијафәти верилән заман полисләр тәдбир кечирилән бинаны мүһасирәјә алараг мәҹлисин сона чатмасына мане олуб, 30 инанҹлыны полис бөлмәсинә апарыб. Онлардан 2 нәфәр Шәмкир сакининә 5 сутка һәбс ҹәзасы верилиб.
Хатырладаг ки, һәр ил Ҝәнҹә шәһәриндә Тасуа вә Ашура мәрасимләри бөјүк издиһамла гејд едилир. инанҹлылар иддиа едирләр ки, Елмар Вәлијев Ҝәнҹә шәһәринә иҹра башчысы тәјин олунандан бәри Ҝәнҹәдә диндарлара гаршы тәзјигләр артыб.
Диггәт: Хәбәрдән истифадә етдикдә мәнбәјә истинад лазымдыр
