Әһли Бејт -АБНА- хәбәр аҝентлијинин вердији хәбәрә әсасән: Мәһәррәм-Сәфәр әјјамы јахынлашмагдадыр. Бир нечә ҝүнә бүтүн дүнјанын Әһли-бејтсевәрләри (ә) өзләрини Кәрбәла әтри илә әтирләмәјә даһа чох сәј едәҹәкләр. Һәр ил олдуғу кими, Әһли-бејт (ә) вәтәни Азәрбајҹанда да әзадарлыг мәрасимләринә һазырлыглар башлајыб.
Јевлах рајонундакы мәрасим һазырлыгларындан Дејерлер.орҝ-а данышан илаһијјатчы Мәшһәди Јасин Әлијев дејиб:
Бисмилләһир-Раһмәнир-Раһим!
Әза мәҹлисләриндә Имам Һүсејн (ә) Ағанын Ашура ҝүнү, Мәһәррәм ајынын илк онҝүнлүјү барәсиндә, һәлә Адәм Пејғәмбәрдән (ә) ҝүнүмүзә кими Ашураја неҹә ағлајыблар, Имамын (ә) шәһадәтилә бағлы әзиз Пејғәмбәримиз (с) онун үчүн неҹә матәм тутуб, јас сахлајыб, Ағанын (ә) мөвлудундан Кәрбәла шәһадәтинә кими баш вермиш һадисәләри инсанларымыза чатдырырыг. Диҝәр тәрәфдән дә Имам Һүсејнә (ә) әза сахламағын дәјәри, әҹри вә бәшәрә вердији фајдалар, онун зијарәтинин фәзиләти вә саир бу кими мүгәддәс мөвзулар һаггында инсанларымыза данышылыр. Бурадакы матәм мәрасимләриндә јашлы нәсил вә ҝәнҹләрлә јанашы, гадын вә ушаглар да иштирак едир.
Диггәт: Хәбәрдән истифадә етдикдә мәнбәјә истинад лазымдыр
