Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы Хариҹи Ишләри Назирлијинин сөзчүсү Рамин Меһманпәрәст “Мүнафигләр груплашмасы”нын (террорчу Халг Мүҹаһидләри Тәшкилаты) Ираг Республикасындакы “Әшрәф” терорчу һәрби базсыны ләғв едәрәк Азәрбајҹан әразисиндә јерләшдирилмәси барәдә јајылан мәлуматлара мүнасибәт билдириб.
Р. Меһманпәрәст Теһранда кечирдији мәтбуат конфрансында журналистләрин бунунла бағлы суалына ҹаваб олараг Азәрбајҹан Республикасында бу груплашманын јерләшмәси барәдә рәсми хәбәр алынмадығыны гејд едиб: “Һеч бир дөвләт гоншу дөвләтин тәһлүкәсизлијини тәһдид едә биләҹәк аддым атмағы өзүнә рәва билмәз. Әкс һалда, һәр ики тәрәфин тәһлүкәсизлијинә зијан дәјәр”.
Гејд едәк ки, “Мүнафигләр груплашмасы” вә ПКК террор тәшкилатларынын Азәрбајҹанын Ҝәнҹә шәһәри јахынлығында јерләшдији барәдә Иран Ислам Республикасы вә Азәрбајҹан дөвләтинин хәбәр аҝентликләри мәлумат јајыб.
Диггәт: Хәбәрдән истифадә етдикдә мәнбәјә истинад лазымдыр
