Әһли Бејт -АБНА- хәбәр аҝентлијинин вердији хәбәрә әсасән: Нојабрын 19-да јазычы-публисист рафиг тағы Хәтаи проспектиндәки евинә ҝедәркән бычагланыб. Алты бычаг јарасы алан јазычы 1 сајлы хәстәханаја јерләшдирилиб. рафиг тағы бычагланмағыны нојабрын 11-дә јајымланан “Иран вә глобаллашма” мәгаләси илә бағлајыб. Јазычы һеч кимлә әдавәтинин олмадығыны дејир. Ҹәмијјәтдә ганлы һадисәјә јанашма исә бирмәналы дејил.
Азәрбајҹанын Иран Ислам Республикасындакы кечмиш сәфири Әлјар Сәфәрли суи-гәсдин архасында Теһранын дајанмасына инанмадығыны дејир. “Мән дә Ираны тәнгид еләмишәм, амма әлејһимә иш ҝөрмәјибләр. Иран Ислам Республикасы әлејһинә јазмышам, јазырам вә јазаҹағам да. Ишин маһијјәтини өјрәнмәк лазымдыр. Арашдырма апарылмалыдыр. Бу, бәлкә өлкә дахилиндәки диндарларын әмәлидир. Чох ҝүман ки, онлар рафиг тағыны бычаглајыблар”.
Ләнкәранда јерләшән мүстәгил “Һүгуги мәсләһәтләр вә вәтәндашлара хидмәт мәркәзи”нин директору Сәдрәддин Казымов дејир. “Биз Иран ислам Республикасы илә гоншујуг. Онларла сых мүнасибәтләримиз вар, дүшмән дејилик. рафиг тағынын Пејғәмбәрин әлејһинә јазылары вар иди. Јәгин, киминсә һаггында јазыб ки, онун гисасын алырлар. Пејғәмбәринә гаршы налајиг ифадәләр јазан шәхс башга инсан һаггында да у сөзләри јаза биләр. Бу иши Иранын етмәси ҝүлүнҹ вә ағласығмаздыр. Бу дүшүнүлмүш бир һадисә дә ола биләр. рафиг тағы јазыны јазыб, сонра өзүнү бычаглатдырар ки, буну Иран режиминдән билсинләр. Өлкә дахили диндарларын рафиг тағыны өлдүрмәк нијјәтләри олсајды, ону бу ҝүнә гәдәр өлдүрмүшдүләр. Бу тәхрибат ола биләр. Диндарлар тәхрибата гаршы дајаныглыдырлар”.
Иран Ислам Республикасынын Азәрбајҹандакы сәфирлији рафиг тағынын бычаганмасы, олајда Иранын адыныны һалландырылмасына кәскин етираз билдириб. Сәфирлик бу һадисәни Американын тәхрибаты адландырыб. “Мәнфи атмосфер јаратмаг мәгсәди дашыјан бу әмәлләри Иран Ислам Республикасы вә Азәрбајҹан Республикасы арасындакы стратежи мүнасибәтләрә хәләл вурмаг истигамәтиндә сионизм-Америка тәхрибатлары кими гијмәтләндирир вә бу кими ҹәһдләри пуч вә мәғлуб аддым һесаб едирик”-дејә бәјанатда гејд олунур.
Диггәт: Хәбәрдән истифадә етдикдә мәнбәјә истинад лазымдыр
