Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр өлкә медиасында ҝүндәми тутан ән әсас мөвзулардан бири хариҹдә тәһсил мәсәләсинин Милли Мәҹлис тәрәфиндән гануна дахил едилмәсидир.
Бу мөвзу ҹидди наразылыглар јаратмагла бәрабәр, өз нөвбәсиндә дини тәһсил алмыш шәхсләрин долајысы јолла вәтән хаини адландырылмасынын рәсмиләшдирилмәси иди. Һамыны сөзүҝедән мәсәләнин һәгигилијинә инандырмаға чалышан шәхсләрдән бири исә Дини Гурумларла Иш үзрә Дөвләт Комитәсинин сәдр мүавини Ҝүндүз Исмајыловдур.
Бу ҝүн емаил үнванымыза ДГИДК-нин кечмиш әмәкдашларындан бири Ҝүндүз Исмајыловун јахын досту барәдә мәлумат ҝөндәриб. Мәлуматда билдирилир ки, Бакы Дөвләт Университетинин Илаһијјат факүлтәсиндә чыхышы заманы хариҹдә тәһсил алан алимләримизи долајысы јолла хаин адландырмаға чалышан ДГИДК-нин сәдр мүавини Ҝүндүз Исмајылов дејәсән өз тәләбә јолдашы вә јахын досту олан Фикрәт Әлијеви јаддан чыхарыб. Мәктубда әлавә олараг гејд олунур ки, ләгәби “Муаз” олан Фикрәт Әлијев Әфганыстанда Талибанчылара гошулараг америкалылара гаршы дөјүшүб вә дүнјасыны дәјишиб. Һәмчинин билдирилир ки, бу шәхс - Фикрәт Әлијев 2009-ҹу илдә ДГИДК-дә ишләјиб. Фиктәр Әлијевин ишә дүзәлмәсинә исә Ҝүндүз Исмајылов јахындан көмәклик ҝөстәриб. Вә Ф.Әлијев онун шөбәсинндә експерт олуб.
П.С. Редаксија олараг гаршы тәрәфин ҹаваб һаггыны таныјырыг вә ҝүн әрзиндә Ҝүндүз Исмајыловун мөвгејини дә дәрҹ етмәјә чалышаҹағыг.
Диггәт: Хәбәрдән истифадә етдикдә мәнбәјә истинад лазымдыр
