Әһли Бејт -АБНА- хәбәр аҝентлијинин вердији хәбәрә әсасән: "6 мај Һиҹаба азадлыг!" аксијасы илә бағлы һәбс едилән илаһијјатчы Һаҹы Тале Бағыров вә Елшән Аббасовун сабаһ нөвбәти мәһкәмә просеси кечириләҹәк. Нојабрын 18-и саат 11-00-а тәјин едилән мәһкәмә иҹласында полис әмәкдашлары шаһид гисминдә диндириләҹәкләр.
Просес Бакы шәһәри Нәриманов рајон мәһкәмәсиндә Тургај Һүсејновун һакимлији илә давам едәҹәк. Руһани алим Һаҹы Тале Бағыровун вәкили Анар Гасымлыдыр.
Хатырладаг ки, “Һиҹаб Азадлыг” аксијасы бу ил мајын 6-да Тәһсил Назирлији гаршысында кечирилиб. Аксија илә бағлы Бакы Шәһәр Прокурорлуғунда иш ачылыб. Истинтаг групунун рәһбәри Бакы Шәһәр Баш Полис Идарәсинин истинтаг вә тәһгигат идарәсинин рәиси Назим Исмајыловдур.
Руһани Тале Бағыров Азәрбајҹан Республикасынын Ҹинајәт Мәҹәлләсинин 221.2-ҹи маддәси илә (Бир груп шәхс тәрәфиндән хулиганлыг) вә 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), (3 илә гәдәр һәбс) иттиһам олунур. Һәбс едилдикдән сонра Һаҹы Тале барәсиндә әввәлҹә 15 сутка, даһа сонра исә 2 ајлыг һәбс гәтимкан тәдбири сечилиб вә Күрдәханы тәҹридханасына ҝөндәрилиб.
Диггәт: Хәбәрдән истифадә етдикдә мәнбәјә истинад лазымдыр
