Әһли Бејт -АБНА- хәбәр аҝентлијинин вердији хәбәрә әсасән: Президент Илһам Әлијев бу ҝүнләрдә бир сыра рајонларда сәфәрдә оларкән өлкәмизин Бирләшмиш Милләтләр Тәшкилатынын Тәһлүкәсизлик Шурасына (БМТ ТШ) гејри-даими үзвлүјү мәсәләсинә тохунараг билдириб ки, Азәрбајҹан бурада фәалијјәт дөврүндә һәмишә бејнәлхалг һүгуг вә әдаләт принсипини әсас тутараг мүбаризә апараҹаг. Јәни өлкәмиз бу принсипләри мүдафиә едәҹәк.
Билдијимиз кими, һазырда БМТ ТШ-дә Сурија вә Иранда ҹәрәјан едән просесләр, һабелә Фәләстинлә бағлы мәсәләләр ҝениш мүзакирә олунур. Азәрбајҹанын гејри-даими үзв олараг фәалијјәтә башлајаҹағы нөвбәти илләрдә дә бу мәсәләләрин БМТ ТШ-нин әсас мүзакирә мөвзулары олаҹағы гачылмаздыр.
Бәли бу ҝүн Гарабағ кими глобал вә өнәмли мәсәләмизи өнә сүрмәк үчүн һәр һансыса гурума вә ја тәшкилата үзв олмамыз пис дејилир.Амма инанмырам ки, Азәрбајҹанын сөзүнү бу БМТ ТШ-дә һәр һансыса бир дөвләт үстүн тутсун.Чүнки 20% торпагларыны дүшмәнә вермиш вә һал һазырда атәшкәс дөврү јашајан бир дөвләтин сөзү ,мәсләһәти
һеч кимә лазым дејилдир.Белә бир мәсәл вар “Кечәл дәрман тапса өз башына сүртәр”.Јәни елә һәлл едәниксә өлкә сәвијјәсиндә Гарабағ проблемимизи илк олараг һәллинә чалышаг.
Мараглыдыр Азәрбајҹан илк нөвбәдә БМТ ТШ-да өз мөвгејиндән чыхыш едәрәк, бејнәлхалг һүгуг нормаларына ујғун чәрчивәдә гәрарыны верәҹәк.Бахмајараг ки, бу ҝүн өз дахили сијасәтини нормалара ујғун апармајан һакимијјәт һансы үзлә вә һансы марагла ТШ-дә гәрар верәҹәк?
Демократик Азәрбајҹанынын өзүнүн проблемләрини һәлл етмәкдәнсә, халгы ҝөзләмә мөвгејиндә тутмағы үстүн билән һакимијјәт, атдығы бу ҹүр аддымларла һансы һәдәфә чатаҹагларыны һеч өзләридә билмирләр десәк даһа доғру оларды.
Он сәккиз илдән артыг Гарабағымыз ишғал олунуб вә фаҹиә илә ишғал олунан торпагларымызы олсун гәрбә, олсун диҝәр дүнјаны идарә едән өлкәләрә сүбут ејмәји һәлә баҹармајыр игтидар һакимијјәти.Һәр ил бир бәһанә илә бу мәсәләнин һәллини узаданлар вә халга Гарабағы унутмаға сөвг едәнләр ТШ-ја үзв олса нә олаҹаг, үзв олмаса нә дәјишәҹәк мараглыдыр.
Гејд етдијим кими , бу ҝүн бизә әсас лазым олан, ишғал алтында галан торпагларымызы гајтармаг үчүн гәти аддым атмасы ҝәрәк олан игтидар һакимијјәтидир.Анҹаг игтидарын башы дахили мадди ҝәлирләри,ресуслары мәнимсәмәјә гарышдығындан ,онлара Гарабағ мәсәләсинин узадылмасы,торпагларын ишғал алтында олмасы мүһүм амилдир.
Биз јенәдә үмид едирик ки , Гарабағымыз һачанса бизә гајтарылаҹаг.Бу јолда Һакимијјәт аддымларыны атмаса белә халг өзү Ермәни ишғалында галан торпагларыны гајтараҹағына үмид едир.Бу исә атәшкәс ады верилән мәғлубијјәтлә јох , мүһарибә адланан зәфәрлә баша чатаҹагдыр.
Әлван Һәсәнов
Диггәт: Хәбәрдән истифадә етдикдә мәнбәјә истинад лазымдыр
