Әһли Бејт -АБНА- хәбәр аҝентлијинин вердији хәбәрә әсасән: Дүнән Бакы шәһәри Нәриманов рајон мәһкәмәсиндә саат 11:40-да илаһијјатчы Тале Бағыров вә Елшән Аббасовун мәһкәмә-истинтаг просеси кечирилиб
Мәһкәмәјә һакимлији Тургај Һүсејнов едирди
Вәкил Анар Гасымлы вә Азәр Нағыјев илк олараг мәһкәмәдә һакимин дәјишдирилмәси илә бағлы вәсатәт вердиләр. Авропа инсан һаглары конвенсасијасына әсасән һаким бир шәхси инзибати хәталар мәҹәлләсинә ҝөрә һәбс едирсә, ону сонрадан ҹинајәт мәҹәлләси маддәси илә мүһакимә едә билмәз.
Белә ки, 6 мај аксијасында һәбс олунан Тале Бағыров вә Елшән Аббасов Тургај Һүсејнов тәрәфиндән 15 ҝүнлүк шәрләнәрәк инзибати хәталар мәҹәлләсинә әсасән һәбс олунмушду. Даһа сонра исә ады чәкилән мәһкумлар барәсиндә ҹинајәт мәҹәлләсинин 222.2 вә 233 маддәләри илә шәрләнәрәк иттиһам ирәли сүрүлүб. Вәкилләр ејни һакимин јенидән мәһкәмәјә сәдрлик етмәсинин гануна ујғун олмадығы үчүн вәсатәт галдырдылар. Дөвләт иттиһамчысы Бәшир мәллим исә һакимин дәјишдирилмәсинә јетәрли дәлил олмамасыны билдирәрәк вәсатәтин бахылмамыш сајылмасыны истәди. Анар Гасымлы ҝәләҹәкдә бу барәдә Авропа мәһкәмәсинә шикајәт едиләҹәјини деди.
Даһа сонра һаким мүшавирәјә јолланды
Һаким мүшавирәдән гајытдыгдан сонра вәкилләрин һакимин дәјишдирилмәси илә бағлы галдырдығы вәсатәтин тәмин едилмәдијини билдирди.
Бундан сонра дөвләт иттиһамчысы Бәшир мәллим иттиһамнамәни охуду вә мүттәһим Елшән Аббасов вә Тале бағыровун ифадәләрини алды.
Вәкил Анар Гасымлы билдирди ки, иттиһамнамәдә гаранлыг мәгамлар вар. Биринҹиси, зәрәр чәкмишләр аксија илә бағлы диҝәр һәбс олунанларын мәһкәмәләриндә дә иштирак етмишдир. "Јәни зәрәрчәкмишләрә 1150 манат һәм Адил (ад шәртидир) тәрәфиндән зијан верилиб һәм дә Тале Бағыров тәрәфиндән. Ја 1150 манат бу ҹинајәтлә иттиһам олунанлар арасында бөлүнмәли, ја да 6 мај аксијасына ҝөрә һәбс олунанларын мәһкәмәси ејни кечирилмәли иди. Һәмчинин полисләрин дөјүлмәси мәсәләсиндә дә мөвге ејни олмалы иди. Бу јердә гејд едәк ки, даһа өнҹә тәртиб олунан иттиһамнамәдә 10 нәфәрин Тале Бағыров тәрәфиндән дөјүлдүјү гејд олунса да, дөвләт иттиһамчысынын охудуғу иттиһамнамәдә 30 полис вар. Биз о 30 нәфәрин сијаһысыны тәләб едирик. Бәлкә биз онларла барышыға ҝәләҹәјик вә даһа өнҹә дә олдуғу кими онлар шикајәтләрини дала ҝөтүрәҹәкләр."
Бу заман тәрәфләр арасында мүбаһисә јаранды. Дөвләт иттиһамчысы Анар Гасымлыја тез-тез јашынын аз олмасынын дејир вә онун мүбаһисә етмәмәсини вә дејиләнләрлә разы олмасы фикрини ирәли сүрүрдү.
Д. И. – Ҹаван оғлансан мәнимлә мүбаһисә едирсән. Јашын азды… Ҝуја јахава медал тахаҹаглар. Јахуд да чөлдә-бајырда өзүндән данышаҹагсан.
А.Г. – Нијә сиз бајагдан мәним јашымын аз олдуғуну дејирсиниз. Мән дејирәм ки, сиз гоҹалмысыныз, гоҹа олдуғунуза ҝөрә дә јашыныз кечиб артыг ағы-гарадан ајыра билмирсиниз?
Мүбаһисә аз сонра сона чатыр...
Һаким Турҝај Һүсејнов, Елшән Аббасова чыхыш үчүн сөз верди. Елшән Аббасов чыхышы заманы деди: “Мән һәбс олунана гәдәр Һаҹы Талени танымамышам. Иттиһамнамәдә билдирилир ки, мән полисә хәсарәт јетирмишәм. Әслиндә мән мәһкәмәнин гаршысына ҝәлмәк истәјәндә полисләр мәни тутуб ҝәтирдиләр 18-ҹи полис бөлмәсинә. Бундан сонрада инзибати хәталар мәҹәлләсинә әсасән мәни 15 ҝүнлүк һәбс едибләр. Даһа сонра исә барәмдә ҹинајәт иши ачылыб."
Илаһијјатчы Тале Бағырова сөз верилди: “Әҝәр ҹинајәт иши ачылмалыдырса бу һиҹабы гадаған едәнләрә ачылмалыдыр. Мән барәмдә ачылан иддиалардан һеч нә баш ачмырам. Һансы ки, полис хәбәрдарлыг етмәдән бизә дәјәнәк вә газла һүҹум етди. Даһа сонра мәни јолда тутдулар. Шаһидләр исә јалан ифадә верирләр. Мәни групун ичиндән тутдугларыны билдирирләр. Мән 5 ил боксла мәшғул олмушам. Јарышларда өлкә чемпиону олмушам. О ки, полис дејир мән она јумруг вурмушам бармағы ҹызылыб, шишиб. Бу јаландыр. Мән она јумруг вурсајдым онун чәнәси, голу чыхарды. Садәҹә мән назирлијин инзибати бинасынын гаршысына тәрәф гачанда о мүлкү ҝејимли полис әлләрини ачараг мәни тутмаг истәди. Мән дә сүрәтлә гачдығымдан онунла тоггушмамаг үчүн маневр етдим. Бу заман әлим онун әлинә дәјди. Бу да гәсдән олмајыб. Биз ахыр нәфәсимизә гәдәр һиҹаб гадағасынын арадан галдырылмасына чалышырыг. Мән бир илаһијјатчы кими өзүмә вәзифә билмишәм ки, аксијада иштирак едим. Бурдан игтидара сәсләниб дејирәм ки, тезликлә һиҹаб проблем һәлл олунмалыдыр. 100 минлик имза кампанијасы дөвләт үчүн ән әлверишли шәраит јаратды ки, бундан истифадә едәрәк һиҹаб проблемини һәлл етсин. 1 илдир һиҹаблы гызлар дәрсә ҝедә билмир. Буна шәраит јараданлар бу ҝүн бу бармаглыглар архасында олмалыдыр. Бир ҝүн халгымыз ојанаҹаг вә биләҹәк ки, халга кимләр хәјанәт едиб. Нә гәдәр ҝеҹ дејил Ислам дининә олан тәзјигләри јығышдырсынлар."
Бурда һаким Тале Бағыровун сөзүнү кәсәрәк: “Бу чыхышлары азадлыға чыхдыгдан сонра едәрсән” деди. Дөвләт иттиһамчысы да бу ҹүр сијаси чыхышлары бурда сәсләндирмәмәк лазым олдуғуну билдирди.
Тале Бағыров даһа сонра деди: “Мән истәр бармаглыг алтында олсун, истәр чөлдә сөз азадлығым вә өзүмү мүдафиә һаггым вар. Сиз өзүнүздә билирсиниз ки, мәним һәбсим сијаси сифаришлә олуб. Полисләр мәндән һаггымы һалал етмәји дәфәләрлә истәјибләр. Мән онлара һаггымы һалал етмишәм. Лакин онлара сифариш верән вә һиҹаба гадаған едәнләрә һаггымы һеч вахт һалал етмәјәҹәм. Полисләр өзләридә ҝөстәришин јухарыдан ҝәлдијини, вәзифәләринә әмәл етмәли олдуғуну билдирибләр. Мән иттиһам олундуғум маддәләри гәбул етмирәм. Һеч бир шүар сәсләндирмәмишәм. Јәни буна имканым олмајыб. Мәни аксијанын тәшкилиндә вә лидерлик етдијимә ҝөрә иттиһам едибләр. Бу да әсассыздыр. Мән өзүм Фаҹебоок сосиал шәбәкәсиндә аксија илә бағлы мәлуматы ҝөрмүшәм. Бүтүн Бакыја камералар гурашдырылыб. Тәһсил Назирлијинин инзибати бинасы гаршысында 10-а јахын камера вар. Чох ҝүман Милли Тәһлүкәсизлик Назирлијинин әмәкдашларыда орда олуб. 3 санијәлик кадр ҝөстәрин ки, мән һәр һансы шүар сәсләндирмишәм јахуд да һансыса груплашманын дахилиндә олмушам, һансыса полисә тәзјиг ҝөстәрмишәм. Бу кадрлары ҝөстәрсәниз барәмдәки иттиһамлары гәбул едәрәм.”
Даһа сонра шаһид гисминдә мәһкәмәјә полис дәвәт олунду. Полис санки ифадәсиндән хәбәрсиз иди. Олајлары унутдуғуну, јалныз јадында бунун галдығыны билдириб: “Аллаһу Әкбәр, Һиҹаба азадлыг вә Мисир Кафир шүарлары сәсләндирирдиләр. Јолу бағламышдылар. Биз онлара дедикки ҝедин евинизә. Бураны тәрк един. Онлар исә бизим сөзүмүзә гулаг асмајыб аксијаны давам етдирдиләр. Мән бу гардашы (әли илә Тале Бағырову ҝөстәрир) ҝөрдүм ки, јанындакылара шүарлары дејир онлар да сәсләндирирдиләр. Онлара јол ҝөстәрир вә истигамәт верирди.”
Вәкил Анар Гасымов шаһидә суаллар вериб.
А.Г. - Нијә мәһз топлумун ичиндән Тале Бағырову тутдунуз?
Ш. – О ҝөркәмли иди. О бириләриндән сечилирди. (Бу јердә залда ҝүлүш сәдалары ҝәлди)
А.Г. - Ҝөркәмли олдуғуна ҝөрә ону лидер һесаб етдиниз?
Ш. – Тәк ҝөркәмли олдуғуна ҝөрә јох, јанындакылары истигамәтләндирдијинә ҝөрә.
Анар Гасымлы шаһидин даһа өнҹә јаздығы ифадәни тәләб етди. Шаһид полисин ифадәси һакимә тәгдим олунду вә һаким ифадәни охуду.
А.Г.- Ифадәни өзүнүз јазмысыныз?
Ш. -Јох мән јазмамышам. Ејнәјим олмадығымдан өзүм јаза билмәмишәм.
А.Г.- Бәс өзүнүз охумусунуз?
Ш.- Әәә јох. Дејирәм ејнәјим јох иди.
А.Г.- Мән “ә” дејиләм. Бура иҹтимаи вә ҹидди јерди. Мән “сиз”-лә мүраҹиәт едирәм сиз исә “ә” илә. Сиз полис нәфәрисиниз.
Ш.- Бағышлаје сән Аллаһ данышығым беләди.
Вәкил Анар Гасымлы әввәлки ифадә илә шаһидин инди вердији ифадәнән бәзи мәгамларда ујғун ҝәлмәмәси илә бағлы суаллар верди.
А.Г. – Бајаг дединиз ки, мән Талеи полис бөлмәсинә апардым, гајытдығымда исә артыг аксија дағыдылмышды. Лакин ифадәниздә дејирсиниз ки, Талеи полис машынына миндирдим вә јенидән аксијаја гајытдым. Инди бунлардан һансы доғрудур?
Ш.- Ммм (башыны гашыјыр вә һакимә бахыр) Јадымдан чыхыб да... Ҝөр нечә ај кечиб. Хатырламырам.
Анар Гасымлы даһа бир нечә суал верди. Шаһид исә бүтүн суаллара илк өнҹә вердији ҹавабы верди.
Анар Гасымлы даһа сонра Тале Бағыровдан шаһиди таныјыб-танымадығыны вә ону полис бөлмәсинә апаран полисин о олуб-олмамасы барәдә суал верди.
Тале Бағыров: Бу полиси танымырам. Мән полис бөлмәсинә дә онун васитәси илә апарылмамышам.
Сонра исә шаһид диндирилмәси битди.
Мәһкәмәнин нөвбәти иҹласы нојабр ајынын 18-и саат 11-00-а тәјин едилди.
Диггәт: Хәбәрдән истифадә етдикдә мәнбәјә истинад лазымдыр
