Әзиз вә Һәким Аллаһын ады илә!
“О кәсләр ки, дүнјаны (фани дүнја малыны) Ахирәтдән (ахирәт һәјатындан) үстүн тутур, (инсанлары) Аллаһ јолундан дөндәрир (Ислам динини гәбул етмәјә вә тәблиғинә мане олур) вә о јолу әјри һала салмаг истәјирләр. Онлар (һагг јолдан) азыб узаг дүшмүшләр.” (Ибраһим сурәси 3)
Салам олсун зәманәсинин зинданында олан Јусифләринә!
Бу ҝүндән Ислам адындан әлинә гәләм алыб сөз јазмаг истәјәнләрә мәсләһәт ҝөрәрдим ки, јазмаға башламаздан өнҹә өз азадлыгларыны, ширин дүнја һәјатыны вә аилә-ушагларынын рифаһыны Аллаһ јолунда гурбан вериб зинданларда олан, Ислам алими вә мөмин гардашларымыза салам вермәклә онлары руһландыраг! Онлар бизим дилдә дедикләримизи әмәлдә јеринә јетирирләр, өзү дә там шәкилдә ихласла!
Амма, сон ҝүнләр мәтбуатда ачыгланан дөвләтин јени исламофобија сијасәти һаггында демәк истәрдим ки, тарих боју һаггын сәсини вә әдаләтин гаршысыны алмаг истәјән дөвләт вә падшаһлар чох олуб. Онларын һәм тарихдә хүсусилә, мүгәддәс Гуранда вә һәм дә бир һәфтә өнҹә ҹәсәди өз мүсәлман халгынын мүбариз ҹаванларынын әлләриндә мал леши кими сүрүкләнәрәк, ганичән мүасир Гәззафи кимиләрин агибәти һамыја мәлумдур.
Мүбариз вә һагг сөзү горхмадан ачыглајан исламчыларын бәли, мәһз исламчыларын өлкәдә ағызларына рәсми мөһүр вурмаг, мүсәлман халгымызын ән гаты дүшмәнләриндән олан ермәни, исраил, сионист вә онларын дахили нөкәрләринин програмындан башга бир шеј ола билмәз. Тарих боју белә дә олуб. Һагг ашигләрини зиндана, чөлдә галанлары исә зиндан, ҹәримә вә с. гондарма ганунларла горхутмаг. Әслиндә, Аллаһын јолуну вә бәшәрә сәадәт ҝәтирән Ислама гаршы ачыг мүһарибә етмәк. Һалбуки, халг мүсәлмандыр.
Бу ганун, мүсәлман халгымызын адына игтидар тәрәфиндән вурулаҹаг нөвбәти ән бөјүк тарихи гара ләкәдир. Әлбәттә, мән әминәм ки, халгымызын гејрәтли вә мүбариз шәхсијјәтләри, зијалылары вә алимләри буна имкан вермәзләр. Амма, белә бир мөвзунун халгын зеһнинә әввәлҹәдән јеритмәк вә онлары буна һазырламаг тарихимизә, динимизә вә мәнәвијјатымыза ән бөјүк хәјанәтдир.
Мүсәлман халгымызын малындан гарынларыны вә банкларыны долдурмуш дөвләт мәмурлар инди белә ганунларла онларын пахырларыны ачмаг истәјән мүбариз дин хадимләринә гаршы белә тәзә планлар чәкирләр. Онлар унудублар ки, Аллаһла мүһарибәдә олар һәтта, зәррә дә һесаб олмурлар вә әҝәр бу ҝүнә кими онларла һагг ашигләринин зиндана салмасына ҝөрә Аллаһын гәти әзабы ҝәлмирсә, өлкәдәки мүбариз, мөмин вә һаггы дејәнләрин сајәсиндәдир.
Аллаһ-Таала Ислама гаршы чыханлары “(Һагг јолдан) азыб узаг дүшмүшләр.” – кими танытдырыр. Тәбии ки, Һаг јолу итирән инсан шејтан јолунда гәрар тутар. Аллаһ Онун дининә јәни, Ислама гаршы мүбаризә апаранлары хүсуси икигат әзабла ҹәзаландырар. Јәни, һәм бу дүнјада вә һәм дә Ахирәтдә ҹәзаланырлар. Милли мәҹлисдә мүсәлман халгынын Ислам дининә гаршы белә гондарма гануна имза атанлар билсинләр бу гануна разылығын өзүнүн Аллаһ тәрәфиндән икигат ҹәзасы вардыр. Гуранда бу һагда охујуруг: “Төрәтдикләри фитнә-фәсада ҝөрә (инсанлары) Аллаһ јолундан дөндәрән (она мане олан) динсизләрин әзабларынын үстүнә бир әзаб да артыраҹағыг!” (Нәһл сурәси 88)
Өлкәдә фитнә фәсад кампанијалары баш алыб ҝедән һалда, сионистләр, јәһудиләр, мәсиһиләр, бүтпәсәтләр, кришналар вә с. динләр азад тәблиғ едән һалда, игтидарын јалныз, өз мүсәлман халгынын Ислам дининә гаршы белә гадағалары тәтбиг етмәк истәмәси артыг бу дәстәнин вә партијанын мүсәлман халгымыза һаким олмасы гәти гәбуледилмәздир вә онларын сијаси сәһнәдән истефаја ҝетмәси гәтидир. Сонда бу мүгәддәс Гуранымызын ајәсини һамынын нәзәринә чатдырмаг истәрдим:
“О кәсләр ки, (инсанлары) Аллаһ јолундан дөндәрир (бу јола манеәчилик төрәдир), ону (јолу) әјмәк истәјирләр – онлар, мәһз онлар Ахирәти инкар едәнләрдир. Онлар јер үзүндә (Аллаһы) аҹиз гоја (Аллаһын әзабындан гачыб ҹанларыны гуртара) билмәзләр. Аллаһдан башга онларын көмәјинә чата билән дә (әзабдан хилас етмәјә гадир олан да) јохдур. Онлары икигат әзаб ҝөзләјир. Онлар (һаггы) ешидә билмәз вә (ону) ҝөрмәзләр!” (Һуд сурәси 19-20)
Фаиг Вәлизадә
