Әһли Бејт -АБНА- хәбәр аҝентлијинин вердији хәбәрә әсасән: Һәзрәт Ајәтуллаһә Әл-Үзма Хаменеи Ирагын Күрдүстан мәнтәгәсинин башчысы Мәсуд Баризани илә ҝөрүшдә Ирагын һазыркы мөвгеји, суверенлијинә ишарә едәрәк вурғулајыб: Ирагда бүтүн гөвмләр вә мәзһәбләрин Американын ҝөстәрдији тәзјигләри мүгабилиндә јекдил мүгавимәти , бу өлкәдә ишғалчы һәрбчиләрин мәһкәмә тохунулмазлығына гаршы чыхмасы вә нәһајәт Американын Ирагдан чыхмаға мәҹбур олмасы бу өлкә тарихиндә гызыл рәнҝли бир сәһифәдир.
Ирагда мүхтәлиф мәзһәб вә гөвүмләрин динҹ јанашы јашамасыны гәнимәт билән Дүнја Мүсәлманларынын Рәһбәри әлавә олараг дејиб: Ирагда һазыркы сәбат вә суверенлик Иран Ислам Республикасыны севиндирир вә мәзһәбләр –гөвмләрин һамысы јени Ирагы абадлашдырмаг јолунда бир-бирләринин әлини сыхмалыдырлар.
Дүнја Мүсәлманларынын Рәһбәри ИИР-нын ваһид вә әмин-аманлы бир Ирагы дәстәкләјәрәк вурғулајыб: Ирагда төрәдилмиш виранлыглар сүрәтлә бәрпа едилмәлидир ки, беләликлә ваһид Ираг өзүнүн һәгиги мөвгејинә наил ола билсин.
Һәзрәт Ајәтулла Имам Хаменеи Ирагда олан мәзһәб вә гөвмләрин һамысыны Иранын јахын гардашлары хүсусилә дә Иран халгы илә тарихи ортаглыға малик гардашлар сајараг вурғулајыб: ИИР илә Ирагын һазыркы мүнасибәтләринин кејфијјәтинин јахшы олмасына бахмајараг бу әлагәләр ҝүн-ҝүндән ҝенишләндирилмәлидир.
Ираг Күрдүстаны мәнтәгәсинин башчысы Мәсуд Баризани дә бу ҝөрүшдә Ираны Ирагын дост вә гардаш сајыб вә дејиб: Ираг халгы вә дөвләти, өлкәнин ағыр вә чәтин ҝүнләриндә Иран халгы вә дөвләтинин јардымларыны вә мәһәббәтини унутмајаҹаг, Баризани еләҹә дә бүтүн мәзһәб вә гөвмләрин Ирагын суверенлији вә наилијјәтләринин горунмасы јолундакы сәјләринә ишарә едәрәк вурғулајыблар : Ираг һәмишә Иранын һимајәләри вә ҝөстәришләриндән истифадә едәҹәк.
Мәсуд Баризани 29 октјабр јүксәк вәзифәли бир нүмајәндә һејәтин башында Теһрана ҝәлиб.
Диггәт: Хәбәрдән истифадә етдикдә мәнбәјә истинад лазымдыр
