Әһли Бејт -АБНА- хәбәр аҝентлијинин вердији хәбәрә әсасән: Һәр нечә ҝүндән бир, һүгуглары тапдалнмыш мүхтәлиф тәбәгәли Азәрбајҹанлы вәтәндашлар, мөвҹүд дурумдан наразылыгларыны билдирмәкдән өтрү аксијалар кечиртмәк мәҹбуријјәтиндәдир. Белә ки, нөвбә ҜЕН ММҸ ширкәти тәрәфиндән алдадылан вә пулуну өдәдикләри мәнзилләри ала билмәјән зәрәрчәкәнләрә чатмышдыр.
Тәһгир олунмуш вәтәндашлар бу ҝүн Президент Администрасијасы гаршысында нөвбәти аксијаларыны кечирибләр. Һадисә јериндә олан әмәкдашымыз Фәраһим Илгароғлунун вердији мәлумата ҝөрә, зәрәчәкәнләр Бакы Шәһәр Иҹра Һакимијјәтинин онлары јалан вәдләрлә алдатмасындан да шикајәтчидирләр.
Тәхминән 100-ә јахын ҜЕН ММҸ гурбаны Филармонија бағында топлашыблар, Сәбајил рајон Полис Идарәсинин әмәкдашалры онлары дөврәјә алыб: "Әлләриндә мүхтәлиф плакат вә транспарантлар тутан аксијачылар Президент Сарајына доғру јүрүш етмәк истәдикдә полис онлара сәрт шәкилдә мане олду. Даһа сонра зәрәрчәкәнләрин тәмсилчиләри, 5 нәфәр ПА-ја ҝетди.
ҜЕН ММҸ зәрәрчәкәнләри мусават.ҹом-а билдирибләр ки, БШИҺ башчысы Һаҹыбала Абуталыбов президентин тапшырығыны јеринә јетирмир: " "Мурај" вә Ҝен ММҸ зәрәрчәкәнләринә Јасамалда 20 һектар әрази ајрылыб. Орада бизә ев тикилмәлидир. Абуталыбов исә бизи ҝет-ҝәлә салиб".
Аксија заманы сахланылан олмајыб.
Диггәт: Хәбәрдән истифадә етдикдә мәнбәјә истинад лазымдыр
