Әһли Бејт -АБНА- хәбәр аҝентлијинин вердији хәбәрә әсасән: 20 илдир ки, Әлијев режими "талышдан сепаратчы дүзәлтмәк” әтрафында дөнмәдән тәблиғат апарыр, талышын бир милләт олараг өзүнү танымасыны, өз тарихинә, дилинә, мәдәнијјәтинә јијә дурмаг истәјини "сепаратчылыг” кими тәгдим едир.
Азадхебер.аз сајтынын "Талыш.орҝ" сајтына истинадән вердији хәбәрә ҝөрә, "МТН”-нин бөјүк бир бөлүмү бу истигмәтдә ҝеҹә-ҝүндүз ағласығмаз шејләр ујдурур. Халгымызын зијалылары барәдә информасија топланылыр, онлар нәзарәтә ҝөтүрүлүр, барәләриндә хусуси досјеләр һазырланыр, хәфијјә системи тәрәфиндән изләнилир, телефонлары динләнилир, вәтәндән дидәрҝин салыныр, һәбсханалара салынараг олмазын ишҝәнҹәләрә мәруз гојулур, өлдүрүлүр, һәмтанышлар бир-бириләри барәдә данос вермәјә, бир-бириләринин үзүнә дурмаға мәҹбур едилир..., бир сөзлә рәсми Бакы кимсәнин өзүнү талыш һисс етмәк истәји илә тотал мүһарибә апарыр.
Сирр дејил ки, бүтүн бунлар Азәрбајҹан уғрунда талышларын дөнмәдән чалышмасы, өзүнүн әти, ганы, әмәји илә бүтүн саһәләр үзрә Азәрбајҹана дөнмәдән төһфәләр вермәси шәраитиндә баш верир. Белә олан һалда бүтүн бунларын сәбәбләри вә белә парадоксал ситуасијанын нә гәдәр давам едәҹәји илә бағлы чохлу суаллар мејдана чыхыр...
Бу ҝүнләрдә интернетин "јоутубе” шәбәкәсиндә јајымланан сәнәдли кадрлар бизи бир даһа гејд едилән мөвзү әтрафында дүшүнмәјә вадар едир. Мәлумдур ки, Азәрбајҹанын әрази бүтөвлүјү илә бағлы мәсәлә ҝүндәмә ҝәлән кими талышлар мәһз илк сыраларда өзләрини көнүллү олараг өн ҹәбһәјә атдылар. Дедијимизин нәтиҹәси олараг бу ҝүн Талышда елә бир һәтта кәнд гәбристанлығы јохдур ки, ораны Гарабағ мүһарибәсинин шәһиди гәбри бәзәмәсин. Тәгдим етдијимиз кадырларда ҝөрдүјүмүз иҝидләрин чоху бу ҝүн һәјатда јохдур. Онларын чох һиссәси көнүллү вә шүурлу олараг Азәрбајҹанын әрази бүтөвлүјү уғрунда өзләрини фәда етдиләр. Бу ҝүн онларын башсиз галмыш аиләләринин әксәријјәтинин бир гарын чөрәк пулуна мөһтаҹы вардыр. Вә бундан да дәһшәтлиси онларын тәсадүфән сағ галмыш дөјүш јолдашларынын сонралар узун мүддәтә сепаратчылыг иттиһамы илә һәбсханаларда чәза чәкмәси вә вәтәндән дидәрҝин дүшмәләрдир.
Сәнәдли кадырларла бағлы Гарабағ мүһарибәсинин Рембо ады илә танынан әфсанәви гәһрәманы Елхан Әлибәјлинин дедикләриндән:
1992-ҹи илин ијул ајы иди. АР Мүдафиә Назиринин мүавини Ҝенерал Ваһид Мусајев (о да әслән талыш иди) Ләнкәрана ҝәлди вә бу әрәфәдә Ләнкәранда көнүллү олараг топлашмыш вә ҹәбһә үчүн һазырлыг дөнәми битмәмиш баталјонун Тәртәрин вәзијјәтинин ағыр олдуғуну сәбәб ҝөстәрәрәк мүһарибәјә јола салди. 376 нәфәрлик ҹанлы гүввәни 10 әдәд "т80” танки, 12 әдәд БМП-1 вә БМП-2 дөјүш техникасы, 6 әдәд "125 мм” топ, 40 әдәд МТЛБ зиреһли дөјүш машыны, 6 әдәд "125 мм” минаатан, мәрми долу 12 әдәд "Урал”, 5 әдәд "газ-6” вә 2 әдәд "УАЗ” Фәхрәддин Һәбибовун башчылығы иле Порт-илич гәсәбәсиндән (индики Лиман шыһәри) Бәрдәјә јола дүшдү. Дөјушчүләрин һамысы ССРИ дөнәминдә ја Әвганыстанда, ја да хүсуси тәјинатлы гүввәләрдә хидмәт кечмишдиләр. Бизи Бәрдәдә заманын мүдафиә назири Рәһим Газијевлә заманын дахили ишләр назири Ысҝәндәр Һәмидов гаршылады. Фәхрәддин Һәбибовун вахты олмадығындан онларын ҝәбулуна мән ҝетдим. Хатырымдадыр, о вахт Рәһим Газыјев деди ки, Азәрбајҹанын илк гвардија ады бизим баталјона вериләҹәкдир. Биз Тәртәрә ҝирәнде демек олар ки, Тәртәр бошалырды. Биз Тәртәрин иҹиндә електрик идарәсинин һәјәтиндә топлашдыг ве дәрһал да Марҝушавана (индики Шәһријар гәсәбәси) ҝетмәјә һазырлашмаға башладыг. Ҝеҹе иле Марҝушаванда дөјүш мөвгеји алдыг вә роталара бөлүндүк. Илк ҝеҹәдәҹә илк шәһидимизи вердик ве бир әсҝәримиз јараланды. Талыш баталјону дедим амма Талыш бурада да биздән јан кеҹмәди. Үч ҝүн сонра Һәсәнҝаја вә Талиш кәндләри истигамәтиндә дөјүшләрә башладыг. Дөјүшдә танк ротасинин командири Һәзи адландырдығымыз баш лејтенант лерикли Арзуман јараланди ве үч шәһид вердик. Онлардан бири Ҝирдәни кәндиндән олан Елсевәр адлы дөјүшчү иди.
Һәфтәнин 7 ҝүнү 7 дәфә дөјүшә ҝирән баталјнун демәк олар ки, үчдә бири шәһид олду. Ләнкәран, Астара, Лерик, Масаллы, Јардымлы ве Ҹәлилабадда демек оларди ки, һер евә гара бағланмышды, һәр кәсин ја гоһуму ја гардашы шәһид иди. Гыса бир замандан сонра дөјүшә-дөјүшә Касапет дағына ҝедиб чыхдыг. Бригада команданын әмрилә әһәмијјәтли стратежи мөвгејә малик даға ејни вахтда ики баталјон һуҹум етмәли иди. Баталјонумузла бәрабәр һәлледиҹи дөјүшдә АР милли гәһрәманы Шаһин Тағыјевин командирлик етдији "Гуртулуш" баталјону да иштирак етмәли иди. Тәәссүф ки, билмәдијимиз сәбәбләрдән һәмин баталјон бизи ермәниләрин гүввәләрилә мүгајисәдә бәрабәр олмајан дөјүшдә тәк сахлады. Мән дөјүш әрәфәсиндә Медшен кәнди әтрафында мөвге тутан "Гуртулуш" баталјонун командири илә ҝөрүшдүм вә бизим чох итки вердијимизи, вәзијјәтин ағыр олдуғуну изаһ едәрәк, ејни вахтда онларын дөјүшә ҝирмәләрини тәләб етдим. О исә башга әмр алдығыны вә тәҹили Дронбона ҝетмәли олдуғуну билдирди. Бахмајараг ки, һәмән әрәфәдә Дронбона ҝедән јол јалныз Касапетдән кечә биләрди. Бу мәсәлә илә бағлы мәним Шаһин Тағыјевлә һәтта мүһарибәдән сонра да мүбаһисәләрим олуб. Журналист Елман Мустафазадәнин васитәчилији илә Амстердам шәһәриндә 2005-ҹи илдә Шаһин Тағыјевлә баш тутан ҝөрүшүмдә һәмән факты мән бир даһа хатырлатдым вә мәнтиги ҹаваб ала билмәдим.
Биз Касапет дағы уғрунда ики дәфә дөјүшә ҝирдик. Биринҹи дөјүшдә 17 шәһид вердик. Хејли гүввә итирмәјимизә бахмајараг гиса фасиләдән сонра - дөрд ҝүндән сонра икинҹи дөјүшә ҝирдик. Бу мүддәт әрзиндә Ләнкәрандан әлавә гүввә ҝәлди. Бу дәфә биз дағы бүтүнлүклә әлә ҝечиртдик вә бир шәһид вердик. О да баталјон командиримиз Фәхрәддин Һәбибов иди. Ону тезликлә Ҹәмил Һаҹыјев әвәз етди. Касапет дөјүшүндән 3 ҝүн сонра "7 ҝун” ҝәзетинин редактору Емин Еминбәјли ҝәлиб бу филми ҹәкди.
Тәртәр бригадасынын командири индики "ҝенштаб” Нәҹмәддин Садыхов тәрәфиндән АР Президентинә Фәхрәддин Һәбибова өлүмүндән сонра Азәрбајҹанын Милли Гәһрәманы адынын верилмәси илә бағлы тәгдимат верилди, лакин индијә кими она бу ад верилмәмишдир.
Диггәт: Хәбәрдән истифадә етдикдә мәнбәјә истинад лазымдыр
