Әһли Бејт -АБНА- хәбәр аҝентлијинин вердији хәбәрә әсасән: Сәрбәст топлашмаг азадлығы һүгугунун позулмасындан шикајәтчи олан Азәрбајҹан Ислам Партијасы (АИП) Бакы Шәһәр Иҹра Һакимијјәтини мәһкәмәјә вермәк үчүн сәнәдләр топлајыр. АИП сәдринин мүавини Акиф Һејдәрли вердији ачыгламасында дејиб ки, етираз аксијасыны санксијалашдырмасы үчүн меријаја мүраҹиәт едән тәшкилат комитәсинин үзвләри - партијанын сәдр әвәзи Елчин Манафов, сәдрин биринҹи мүавини Ингилаб Әһәдли, сәдр мүавини Рөвшән Әһмәдов 1 сајлы Бакы Инзибати-Игтисади Мәһкәмәсинә шикајәт верәҹәк:
“Биз Бакы Шәһәр Иҹра Һакимијјәтинин сәлаһијјәтләрини ашдығыны, вәтәндашларын һүгугларыны поздуғуну дүшүнүр, буна һүгуги гијмәт верилмәсини истәјирик”.
Акиф Һејдәрли етираз аксијалары үчүн јенидән меријаја мүраҹиәт едәҹәкләрини дә дејиб.
Өтән һәфтә Бакы Шәһәр Иҹра Һакимијјәти АИП-ин пајтахтда кечирмәк истәдији митингә јер ајырмагдан имтина едиб. АИП аксијаны октјабрын 22-дә кечирмәк истәјирди. Митингдә Дағлыг Гарабағ мүнагишәсинин һәлл олунмамасындан наразылыг ифадә етмәк, өлкәдә исламофобија һалларынын гаршысы алынмасы, мәһбус партија рәһбәрләри вә руһаниләрин азадлыға бурахылмасы тәләбләрини сәсләндирмәк нәзәрдә тутулурду.
Диггәт: Хәбәрдән истифадә етдикдә мәнбәјә истинад лазымдыр
