Әзизинәм, ај ҝүнүнә,
Ҝүн ајына, ај ҝүнүнә.
Һәја-арсыз, һиҹабсыз
Тәһсилимин вај ҝүнүнә!
Әзизинәм, јем олду,
Гузу гурда јем олду.
“Проблемсиз өлкә”дә
Һиҹаб проблем олду.
Гаралыб тасы милләтин,
Силинмир пасы милләтин,
“Мүасирлик” күләјилә
Ҝедир һәјасы милләтин.
Буна ҝөрә дәјәрсизик,
Һиҹабсызыг-һүнәрсизик,
Дилдә “Әбәлфәз” дејирик,
Гејрәтиндән хәбәрсизик
Әзизинәм сүрәтлиләр,
Ҹүрәтсизди сүрәтлиләр.
Гејрәтимиз јоха чыхыр,
Һәбсә дүшүр гејрәтлиләр
Һамы өзун модерн едир,
Инсана бу тәсир едир,
Гуранын һиҹаб ајәсин
Һиҹабсызлар тәфсир едир.
Чарәсизик биз һамымыз,
Һәдәфдәдир инамымыз,
Ја Рәбб, мәҝәр јетишмәјиб,
Зүһур едә имамымыз?
