Әһли Бејт -АБНА- хәбәр аҝентлијинин вердији хәбәрә әсасән: Масаллыда саһибкарлыгла мәшғул олан Јашар Абдуллајев јерли Иҹра Һакимијјәтинин өзбашыналығына етираз олараг октјабрын 19-дан аҹлыг аксијасына башлајыб.
Хәбәрдә дејилир ки, буна сәбәб саһибкара мәхсус објектин ганунсуз сөкүлмәси вә бунунла бағлы она һәр һансы компенсасијанын өдәнилмәмәси вә ја јени јеринин тәклиф едилмәмәсидир.
Ј.Абдуллајев өзү Туран-а билдириб ки, аҹлыг аксијасыны евиндә кечирәҹәк. Онун сөзләринә ҝөрә, 2007-ҹи илдә објекти сөкүлүб, бу мүддәтдә мүбаризә апарса да, мүлкијјәт һүгугуну бәрпа едә билмәјиб.
“Бу, сон чарәдир. Һеч бир инсан аҹлыг јолу илә мүбаризә апармаг истәмәз, амма һакимијјәт бизә бундан башга јол гојмајыб”, - Ј.Абдуллајев гејд едиб.
Хәбәр Туран-а Масаллыда фәалијјәт ҝөстәрән Зијалылар Бирлијиндән дахил олуб.
Диггәт: Хәбәрдән истифадә етдикдә мәнбәјә истинад лазымдыр
