Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ Имам Хаменеи һәзрәтләри Иран Ислам Республикасыын Гәрбиндә јерләшән Кирманшаһ вилајәтинин һәрби вә көнүллү бөлмәләринин мүштәрәк мәрасиминдән сонра етдији чыхышда хатырладыб: “Гәрбин чаш-баш вә пәришан сијасәтчиләринин иранофобија үзрә јүрүтдүкләри ағылсыз методларынын, јенидән тәкрар етмәләри, јенә дә һеч бир нәтиҹә вермәјәҹәк. Онлар бу мәғлубијјәтин дә аҹысыны дадаҹаглар”.
Ислам Ингилабынын Бөјүк Рәһбәри сонра белә билдириб: Һеҝемончу Америка режиминин батаглыгда ҝирифтар олмасы, бу режимин јанлыш сијасәтләри вә рәфтарларынын нәтиҹәсидир.
Имам Хаменеи сонра белә вурғулајыб: Американын Әфганыстан батаглығы кими проблемдән хилас олмасы јолу мадди методлар, тәкәббүрлү бахышлар вә тәҹавүзкарлыг әһвал руһијјәси дејил, әксинә чөзүм јолу јалныз ИИР-нын методу јәни мәнтиг, ағыл вә мәнәвијјәтә әсасланмыш методдур.
Иранын Силаһлы гүввәләринин Али баш команданы бу мәрасимдә кечән 3 он илликдә ИИР гурулушунун ҝүнү-ҝүндән артан ҝүҹүнә ишарә едәрәк белә вурғулајыб: Һазырда Иран халгы, ИИР гурулушу вә Иранын силаһлы гүввәләри реҝион халглары арасында әзиздир вә һөрмәтә маликдир.
Иранын силаһлы гүввәләринин чох үстүн имтијазлара вә хүсусијјәтләрә малик олмасыны билдирән Һәзрәт Ајәтуллаһ әл-Үзма Хаменеи сонра белә әлавә едиб: Инкишаф зәмини кими бүтүн саһәләрдә тәһлүкәсизлијин горунмасы, һабелә ҹанларыны фәда етмәк үчүн мөһкәм имана малик олмаг ИИР силаһлы гүввәләринин ики үстүн хүсусијјәтидир.
Дүнја Мүсәлманларынын Али Лидери Ирана гаршы зорла гәбул етдирилмиш 8 иллик мүһарибәдә Сәддам режими вә бу режими һимајә едән гүдрәтләр, о ҹүмләдән Американын мәғлубијјәтә уғрамаларына ишарә едәрәк белә хатырладыб: Зорла Гәбул етдирилмиш мүһарибәдә Иран халгынын мүгавимәти вә зәфәр чалмасы дүнјаја сүбут етди ки, ИИР-на гаршы һүҹум баһа баша ҝәлир.
Диггәт: Хәбәрдән истифадә етдикдә мәнбәјә истинад лазымдыр
