Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Бакыдакы сәфири, Мәһәммәдбағыр Бәһрами сәфирлијин рәсми сајтына мүсаһибәсиндә дејиб: “Иран Ислам Республикасы БМТ Тәһлүкәсизлик Шурасында гејри-даими үзвлүклә бағлы кечириләҹәк сәсвермәдә Азәрбајҹан Республикасыны дәстәкләјир. Иранын дәјәрләндирмәсинә әсасән, Азәрбајҹан Республикасынын БМТ Тәһлүкәсизлик Шурасында гејри-даими үзвлүјү реҝионун мараглары илә үст-үстә дүшүр”.
БМТ Тәһлүкәсизлик Шурасына гејри-даими үзвләрин сечкиси октјабрын 21-дә кечириләҹәк. Хариҹи ишләр назири Елмар Мәммәдјаров сентјабрын 27-дә БМТ Баш Мәҹлисинин сессијасында чыхыш едәрәк БМТ өлкәләрини Тәһлүкәсизлик Шурасына үзв олмаг истәјән Азәрбајҹан Республикасына дәстәк олмаға чағырыб. Назир Азәрбајҹанын БМТ Тәһлүкәсизлик Шурасына үзв сечилмәсинин тәмсилчилик балансы бахымындан ваҹиб олдуғуну дејиб.
Диггәт: Хәбәрдән истифадә етдикдә мәнбәјә истинад лазымдыр
