Бисмиллаһир-Рәһманир-Рәһим
Фәттәгуллаһә ја улил-әлбаб ләәлләкум туфлиһун
(فاتقوا الله يا اولي الالباب لعلكم تفلحون)
“Аллаһдан горхун, еј ағыл саһибләри – олсун ки, ниҹат тапасыныз!”
(Гурани-Кәрим, Маидә сурәси, ајә 100)
Һакимијјәт онун ганунларына баш әјмәјән, хәјанәтләринә ҝөз јуммајан, халга азадлыг вә хошбәхтлик тәләб едәнләри ја сатын алыр, ја горхудуб мејдандан чыхарыр, ја һәбс едир, ја вәтәндән дидәрҝин салыр, һәтта террор вә гәтллә һәјатына сон гојур.
* * *
Бир нечә илдир ки, өлкәмиздә башламыш ислами ојаныш, өзүнәгајыдыш, адәт-әнәнәләринә вә мәдәнијјәтинә бағлылыг һиссләринин ҝүҹләнмәси бәзи гүввәләри гыҹыгландырмаға башлајыб. Дахилдә вә хариҹдә халгымыза зор вә һијлә илә һаким кәсилмиш ҝүҹ саһибләри иҹтимаи зәрурәт олараг башламыш бу тәбии просесләрин нәтиҹәсини өз һакимијјәтләринин давамы вә ја мәнафеләри үчүн ҹидди тәһлүкә һесаб едирләр. Онлар ҝәләҹәкдә гаршылашаҹаглары бу проблеми вахтында һәлл етмәк үчүн комиссијалар јаратмыш, узун-узады арашдырмалар апарараг чох мәкрли планлар һазырламышлар.
Дөвләти тәмсил едән ән јүксәк даирәләрдә Ислам дини мөвҹуд һакимијјәти тәһдид едән ән ҹидди амил кими гијмәтләндирилмиш, она гаршы мүбаризә өлкәнин стратежи планына чеврилмишдир. Бир нечә илә мәхфи шәкилдә һәјата кечириләҹәк бу план ачыгланарса чох дәһшәтли фактларын үзә чыхаҹағы гачылмаздыр. Ҝүндәмдә олан анти-ислами фәалијјәт истигамәтләрини нәзәрдән кечирәк:
-јабанчы идеолоҝијаларын инкишафына зәмин јарадараг, узунмүддәтли бир програмда фаиз етибары илә мүсәлманларын сајыны азалтмаг;
-гејри-әнәнәви мәзһәбләрин инкишафына шәраит јарадараг әнәнәви мәзһәби әксәријјәтдән салмаг;
-Ислам елимләринин вә алимләрин инкишафына мане олмаг үчүн мәдрәсә вә тәлим мәркәзләрини бағламаг;
-хариҹдә тәһсил алмаг истәјәнләрин гаршысыны алмаг вә ја тәһсил алыб ҝәләнләрин фәалијјәтинә гадаға гојмаг;
-дини тәшкилат вә ҹәмијјәтләрин јаранмасына имкан вермәмәк вә ја мөвҹуд мәркәзләрин мүхтәлиф адларла гападылмасы;
-дини ајинләрин иҹрасына мәһдудијјәтләр гојмаг;
-ибадәтҝаһларын тикилмәсинә имкан вермәмәк, тәдриҹән мөвҹуд мәсҹид, һүсејнијјә вә намазханаларын мүхтәлиф бәһанәләрлә дағыдылмасы;
-күтләви информасија васитәләриндә Ислам дининин тәблиғинә јер вермәмәк, бу васитәләрдән дини, мәнәвијјаты ашағыламаг үчүн ҝениш истифадә етмәк;
-дин алимләринин шәхсијјәт кими формалашмасына имкан вермәмәк, танынмыш шәхсијјәтләри һөрмәтдән салмаг, шәрләјәрәк рүсвај етмәк;
-ҹәмијјәтдә дини атрибутларын јајылмасыны әнҝәлләмәк;
-мәнәвијјатсызлығы, әхлагсызлығы әкс етдирән тәсвирләрдән чохсаһәли истифадә;
-хариҹдән дини әдәбијјатын ҝәтирилмәсинә ҹидди гадағалар гојмаг, онларын дахили нәшрини минимум һәддә ендириб, ҹидди сензура системи тәтбиг етмәк, сатышыны вә јајылмасыны һәр јолла әнҝәлләмәк, һәр һансы јолла олур-олсун дини маарифин јајылмасынын гаршысыны алмаг;
-ҹәмијјәтдә дин ады илә иртиҹа вә хурафатын јајылмасына зәмин јаратмаг, јаланчы пејғәмбәр вә имамларын заһир олмасы, фалчыларын, ҹадуҝәрләрин, дуа јазанларын вә диҝәр фырылдагчы үнсүрләрин сајыны артырмаг;
-мәнәвијјатла бағлы һәр бир ел адәтини, о ҹүмләдән јас вә вәфат мәҹлисләрини, дини тој шәнлик мәрасимләрини нәзарәтә ҝөтүрмәк;
-елм мәркәзләри вә тәһсил оҹагларында инанҹлы инсанлара гаршы мүбаризә апармаг, онларын али тәһсил алмасына вә јүксәк елми дәрәҹәләрә наил олмасына имкан вермәмәк;
-ҝүҹ структурларында, еләҹә дә диҝәр мүәссисә вә тәшкилатларда диндар шәхсләрин чалышмасына имкан вермәмәк…
Јухарыда гејд олунмајан онларла мәсәлә Ислам дининин ҹәмијјәтдә сыхышдырылмасы үчүн һазырланан фитнәләрдәндир.
Артыг президент апараты вә назирләр кабинетинин дини мәһдудијјәтләрин ҝүнбәҝүн артырылмасы үчүн атдығы аддымлар, парламентин Ислам дининә гаршы чыхардығы ганунлар вә мәһкәмә-прокурорлуг системинин инанҹлы инсанлара гаршы башладығы шәр кампанијасы ҝөз габағындадыр. Бу ҝүн өлкәмиздә һејдәризмин горунмасы үчүн Ислама гаршы мүһарибә планы иҹраја гојулуб. Динимизи тәдриҹән зәифләдиб, мәһв етмәк үчүн ҝениш мигјаслы һүҹумлар фитнәкарҹасына һәјата кечирилир. Бу һүҹумлар һиҹаб гадағасы кими һамынын ҝүндәлик јашадығы бир проблем олараг иҹтимаијјәт тәрәфиндән баша дүшүлүр, әкс-тәгдирдә хәрчәнҝ кими ағры вермәдән, һисс олунмадан мүгәддәс динимизи мәһв етмәкдә давам едир. Архада галмыш 70 иллик коммунист режиминдә дә динә гаршы ҝениш мигјаслы мүбаризә апарылырды. Амма онлар дин дүшмәни олмагларыны, кафирликләрини вә әгидәмизә ачыг-ашкар гәним кәсилдикләрини ҝизләтмәдикләриндән халг өз инанҹыны гәлбиндә дә олса јашатмағы зәрури һесаб едирди. Бу дөнәмдә исә һакимијјәт ријакарлыгла давраныр, заһирдә динә сајғы бәсләдијини иддиа едәрәк, әслиндә онун көкләрини газыјыр.
Мәсәлән, гәдим бир мәсҹиди тәмир едәрәк, халгын бүдҹәсиндән милјонлар мәнимсәјир. Бу тәмир ишини тәблиғат васитәләриндә о гәдәр габарыг нүмајиш етдирирләр ки, онун кәнарында он мәсҹид дағытсалар белә, кимсә онларын дин дүшмәни олмасыны баша дүшмүр. Өлкә башчысынын оруҹлугда ифтар сүфрәсинин башында әјләшмәсини ирили-хырдалы бүтүн мәтбуат сәһифәләри о гәдәр ҝөзә сохур ки, һәмин ҝүн ағзы оруҹ дин алимини, шәһид гардашыны, мүбариз вә мүҹаһид бир шәхси шәрләјәрәк ҹибинә наркотика, евинә силаһ гојуб тутанда онун (дөвләт башчысынын) дин дүшмәни олмасыны кимсә зеһнинә белә ҝәтирмир; телевизија екранларында Гураны әдәблә ҝөтүрүр, өпүб ҝөз үстә гојур вә ја Америкада мәлум Гуран јандырма кампанијасына етиразыны билдирир. Амма мәкрлә јаратдығы Азәрбајҹан Республикасынын Дини Гурумларла Иш үзрә Дөвләт Комитәси, мәтнләри Гуран ајәләри илә зәнҝин галаг-галаг дини әдәбијјатлара од вуруб јандырыр. Тәбии өмрүнү баша вурмуш мөвҹуд режим бир гәдәр артыг јашамаг, халгын ганыны бир гәдәр артыг сормаг үчүн һеч нәдән чәкинмир.
Азәрбајҹанда Исламын инкишафыны горхунҹ һадисә кими тәгдим едәрәк гәрб өлкә башчыларындан бу ишдә јардым истәјир. Азәрбајҹан мүсәлман халгынын өз дининә гајыдышыны гоншу өлкәләрин тәсир вә мүдахиләси адландырараг өз пак инсанларыны әзмәкдә, милләтин дин вә мәнәвијјатыны боғмагда кафир өлкәләрин сәфәрбәр олмасыны истәјир. Бу дөвләтин гаршысында нә Гарабағ проблеми вар, нә аҹлыг вә јохсуллуг ичиндә чабалајан милләтин игтисади бөһраны, нә дә бир тикә чөрәк пулу архасынҹа дүнјанын уҹгар нөгтәләринә сәпәләнмиш сојдашларын, әсасән ҝәнҹләрин намус мәсәләси!
Бу режимин башында дуранлар өз күбар һәјатларыны адиләшдирмәк үчүн халгы күтләви әјјашлыға сүрүкләјир, өз әхлагсызлыгларынын гәбаһәтини арадан ҝөтүрмәк үчүн ҝәнҹләри күтләви шәкилдә (Евровисион кими тәдбирләрлә) һагг јолдан узаглашдырырлар. Өлкә башчысы бир гызыны јәһудиләшмиш, диҝәрини исә христианлығы гәбул етмиш биринә әрә вермәклә, әслиндә бу өлкәдә Ислама гәбир газыр. Өлкәни идарә едән аилә өз ләјагәтсизлијини, шәрәфсизлијини биләрәкдән нүмајиш етдирир ки, артыг бу мәмләкәтдә намус, гејрәт, шәрәф вә ләјагәтдән данышан олмасын. Азәрбајҹанда милли дәјәрләрин мәһв едилмәси ишиндә бу аилә үзвләринин һәр биринин үзәринә вәзифә гојулуб. Сон сөзү исә өлкәнин биринҹи (ја ән ахырынҹы) ханымы, президентин һәјат јолдашы дејәҹәк.
2012-ҹи илдә 20 ил бундан габаг башладыглары рәзаләтин мејвәсини дәрмәји планлашдырырлар. Евровисион маһны мүсабигәси кечирмәклә, әслиндә бу өлкәдә милли-мәнәви дәјәрләри дармадағын етдикләрини сүбута јетирәҹәкләр. Өлкәјә он минләрлә үздәнираг фаһишә вә һомосексуаллары ҝәтирәрәк намуссузлуғун гејрәт үзәриндә гәләбәсини гејд едәҹәкләр. Онлар бу тәдбирлә Азәрбајҹаны дүнјаја танытдыраҹаглар – амма мәрд оғуллар әрсәјә ҝәтирән одлар јурду кими јох, әхлагсызлар, гејрәтсизләр јетишдирән бир өлкә кими!
Еј Азәрбајҹан халгы, еј мүсәлман һәмвәтәнләр, гејрәтли-намуслу кишиләр, гәфләт јухусундан ојанын! Бу өлкәдә инсани дәјәрләримизә гаршы елан олунмамыш мүһарибә башланыб. Бу дијарда мүгәддәс вә мөһтәрәм һәр нәјимиз варса һәдәфә алыныб. Дүшмән тәкҹә сәрвәтләримизи јох, вар олан һәр бир шејимизә һүҹум едиб. Диггәтли олаг, етираз едәк, сәсимизи уҹалдаг, вурушаг! Мүбаризәјә башлајаг, әсрләрдән, нәсилләрдән бизә ҝәлиб-чатан мәнәви ирсимизә саһиб чыхаг! Бу мәнфур аиләни рузиҝарын сәһифәсиндән сылиб атаг. Биз буна гадирик. Сиз бу шәрәфә лајигсиниз, сиз гејрәтли кишиләрин өвладларысыныз! Әлимиздән ҝәлән һәр иши ҝөрәк, залымлара гаршы вурушаг, бу јолда ҹанымыздан, ганымыздан кечәк. Азадлығы, инсанлығы горумаг үчүн өлмәјә дәјәр. Азәрбајҹан халгы зүлмүн бир уҹу ҝөјә дирәнмиш полад сүтунларыны ашыран әрәбләрдән әскик дејил, буну сүбут етмәлијик. Аллаһдан јардым диләјиб ајаға галхаг!
Һаҹы Гафур
