Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Респјбликасында јашанан антиислам далғалары бүтүн дүнја иҹтимаијјәтини нараһат етмәкдә давам едир. Һәбсләр, шәрләнмәләр, һәдә-горхулар, фикир вә сөз азадлығына әмәли сүрәтдә гојулан гадағалар, әгидә сүверенлијини тапдагламалар вә.с өзбашналыглара етираз олараг Русијада Шиәләрин Ислам Илаһијјат Мәркәзинин вә Москва шиәләринин дини тәшкилаты бәјанат јајмышдыр. Бәјанаты сајтымызын әзиз зијарәтчиләринә тәгдим еидирик:
Бисмиллаһир-рәһманир-рәһим!
Азәрбајҹан Республикасында сон илләрдә баш верән һадисәләр доғма Вәтәндән кәнарда, башга өлкәләрдә јашајан һәмвәтәнләр арасында да тәәҹҹүб вә ҹидди тәәссүф һисси ојатмагдадыр. Сөзүн әсл мәнасында баш верән һадисәләрин нә маһијјәт дашымасы бизим үчүн анлашылмаздыр. Ијирми фаиз торпағы дүшмән тапдағы алтында олан бир мәмләкәтдә милли бирлик зәмининдә иш апармаг вә халгы вәтәнпәрвәрлик руһијјәсиндә тәрбијә едиб онлары үмуми дүшмән мүгабилиндә сәфәрбәр етмәк әвәзинә биз ҝүндән-ҝүнә Азәрбајҹан Республикасында јени-јени нашылыгларын шаһиди олуруг. Дүнјанын чох өлкәләриндә, һөкм сүрән вә бүтүн бәлаларын мәнбәји олан мәнәви бөһрандан јаха гуртармаг үчүн јоллар ахтарылыр. Чүнки бу мәсәләләр һәлл олмаса һәр бир ҹәмијјәт сон нәтиҹәдә өлүмә мәһкум ола биләр. Азәрбајҹанда да, бизә елә ҝәлир ки, кимләрәсә сәрф едир ки, мәһз халгымызы мәнәви бөһран ҝирдабына салыб онлары јалныз учурума сөвг етсинләр. Әлбәттә атеист тәрбијәси алтында бөјүјүб боја-баша чатмыш вәзифә саһибләринин бундан артыг истәји ола да билмәз. Амма Азәрбајҹан халгынын мәнафеји наминә тәмәннасыз олараг онларын мәнәви вә милли руһунда тәрбијә олунмасына хидмәт едәнләрә гаршы амансыз мөвге тутулмасы бир даһа бүтүн вәтәнпәрвәр мөминләрин дә, тәәссүф вә наразылыгларына сәбәб олду.
Шиәләрин Ислам Илаһијјат Мәркәзи вә Шиәләрин дини тәшкилаты Русијада јашајан мөмин һәмвәтәнләрин дә бу һадисә илә бағлы наразылыг вә етиразларыны нәзәрә олараг Азәрбајҹанда сон илләрдә һөкм сүрән исламофобија сијасәтини гәти шәкилдә мәһкум едир. Она ҝөрә дә, биз һамылыгла, һәјатларыны Азәрбајҹан халгынын милли-мәнәви дәјәрләринин дирчәлишинә сәрф едән руһани гардашларымызын һеч бир әсас олмадан һагсыз јерә зиндана атылыб онлара һөкм кәсилмәсини сәһв аддым сајыр вә онларын тезликлә азадлыға бурахылмасыны тәләб едирик.
Шиәләринин Ислам Илаһијјат Мәркәзи
вә Москва Шиәләринин дини тәшкилатынын сәдри
Һөҹҹәтүл-ислам вәл-мүслимин Фамил Ҹәфәров
Диггәт: Хәбәрдән истифадә етдикдә мәнбәјә истинад лазымдыр
