Әһли Бејт -АБНА- хәбәр аҝентлијинин вердији хәбәрә әсасән: Дахили ишләр назири, ҝенерал-полковник Рамил Усубов октјабрын 13-дә Ермәнистан пајтахты Јеревана јола дүшүб.
Сәфәрдән мәгсәд Мүстәгил Дөвләтләр Бирлијинин иштиракчысы олан дөвләтләрин Дахили Ишләр Назирләри Шурасынын нөвбәти иҹласында иштирак етмәкдир.
Ики ҝүн давам едәҹәк тәдбирдә МДБ иштиракчысы олан өлкәләрин Дахили Ишләр назирликләринин (полисин) әмәкдашлығынын приоритет истигамәтләри вә ҹинајәткарлыгла мүбаризәдә дөвләтләрарасы програмларын иҹра вәзијјәти барәдә фикир мүбадиләси апарылаҹаг.
Дахили Ишләр Назирләри Шурасынын иҹласында һәмчинин информасија технолоҝијаларындан истифадә едилмәклә төрәдилән ҹинајәтләрлә мүбаризә саһәсиндә МДБ дөвләтләринин әмәкдашлыг консепсијасынын вә үзв өлкәләрин сәлаһијјәтли органларынын ҹинајәт ишләри үзрә мадди сүбут олан наркотик васитәләри, одлу силаһ-сурсатлары өтүрмәси механизмләри һаггында протоколун лајиһәләри, МДБ-нин 20 иллик јубилеји илә бағлы тәдбирләр вә диҝәр мәсәләләр мүзакирә олунаҹаг.
Диггәт: Хәбәрдән истифадә етдикдә мәнбәјә истинад лазымдыр
