Әһли Бејт -АБНА- хәбәр аҝентлијинин вердији хәбәрә әсасән: ҺӘМАС вә онун һәрби ганады олан Из әд-Дин әл-Гассам елан едибләр ки, узун сүрән вә арада Исраилин уҹбатындан дондурулан данышыглардан сонра Исраил түрмәләриндә дустаг һәјаты кечирән фәләстинлиләрин 2006-ҹы илдән ҺӘМАС-ын әсирлијиндә олан бир сионист әскәри илә мүбадиләси барәдә разылыг әлдә олунмушдур.
Разылыға әсасән Исраил бир әскәринин әвәзиндә 1027 фәләстинлини, о ҹүмләдән, әсирлик һәјаты кечирән бүтүн фәләстинли гадынлары азад едәҹәк.
Разылашмаја әсасән 1027 әсир ики етапа Исраил түрмәләриндән азад едиләҹәкдир. Биринҹи етапда 450 нәфәр азадлыға бурахылаҹагдыр ки, онлардан 280 нәфәри өмүрлүк һәбс ҹәзасына мәһкум олунмуш шәхсләрдир.
Дүнән телевизија илә Фәләстин халгына мүраҹиәт едән ҺӘМАС тәшкилатынын сијаси лидери Халид Мәшәл буну бөјүк гәләбә адландырыб. О дејиб ки, азадлыға бурахыланлар тәкҹә Гәзза золағында јашајанлар јох, Фәләстинин мүхтәлиф мәнтәгәләрдә јашајанлардыр ки, бу һал милли вәһдәтә јени тәкан бәхш едәҹәкдир.
Һәмчинин Из әд-Дин әл-Гассамын сөзчүсү Әбу Убејдә Фәләстин халгыны тәбрик едиб вә билдириб ки, бу мүгавимәтин бөјүк гәләбәсидир.
Диггәт: Хәбәрдән истифадә етдикдә мәнбәјә истинад лазымдыр
