Әһли Бејт -АБНА- хәбәр аҝентлијинин вердији хәбәрә әсасән: АБШ-ын Бакыдакы сәфиринин мүавини Доналд Лунун 2009-ҹу илин ијулунда блоҝерләрин ишинә аид телеграмындан бу нәтиҹәни чыхармаг олар ки, бу, һәбс сифаришлиолараг ән јухарылардан ҝәлиб.
Телеграмы “WikiLeaks” сајты дәрҹ едиб. Белә ки, АТӘТ үчлүјүнүн Бакыја сәфәри заманы Исвеч ХИН рәһбәри Карл Билд блоҝерләр һаггында Илһам Әлијевә суал вериб. Буна ҹавабда Әлијев билдириб ки, бәзән Азәрбајҹан “өзүнү мүдафиә етмәк үчүн аддымлар атмалыдыр, бу, амансыз ҝөрүнсә белә".
Алманија омбудсманы Ҝүнтер Нооке “Deutsche welle” радиосуна мүсаһибәсиндә үч дәфә Әлијеви “диктатор” адландырыб, онун режимини исә тиранлыгла мүгајисә едиб.
Авропа Иттифагы да блоҝерләрин һәбси илә бағлы наразылығыны билдириб, Илһам Әлијевә мәктуб ҝөндәриб. Бу арада, Авропа Шурасы вә АТӘТ баш верәнләрә реаксија вермәјиб.
Елнур Асланов блоҝерләрдән мәсләһәт алырмыш
Доналд Лу бу мәсәләни президент администрасијасынын шөбә мүдири Елнур Аслановла да мүзакирә едиб. Асланлы блоҝерләрин һәбсиндән тәәҹҹүбләндијини гејд едиб.
О билдириб ки, ҝәнҹләрин һәр икисини таныјыр вә бәзән мәсләһәт үчүн онлара мүраҹиәт едир. Асланов, еләҹә дә ХИН рәһбәри Мәммәдјаров вә ПА шөбә мүдири Новруз Мәммәдов Ылһам Әлијевин блоҝерләрин һәбсиндә әли олдуғуну тәкзиб едибләр.
Азәрбајҹан ХИН-ин әмәкдашлары даһа ачыг данышараг, назир Мәммәдјаровун баш верәнләрдән һејрәтә ҝәлдијини вә Карл Билд онун гаршысында блоҝерләр һаггында мәсәләни галдырдыгда чәтин вәзијјәтә дүшдүјүнү иддиа едибләр. Онлардан бири фактики олараг етираф едиб ки, бүтүн бунларын архасында Президент Администрасијасы дурур.
Емин Милли Илһам Әлијевә тәрҹүмәчилик едиб
Доналд Лу өз шәрһиндә јазыр ки, Илһам Әлијевин давранышы вә сөзләри онун блоҝерләрин һәбсиндә әли олдуғуну сүбут едир вә бу, Бакы рәсмиләринин иддиаларына бахмајараг, һүгуг-мүһафизә органларынын иши дејил. Икинҹи дәфә Илһам Әлијев блоҝерләр мөвзусуна августун 17-дә дөвләт катибинин көмәкчиси Метју Брајза илә ҝөрүшүндә гајыдыб. Әлијев иши ади хулиганлыг кими ҝөстәрмәјә чалышыб вә баш верәнләрдә әли олдуғуну инкар едиб. О инандырырды ки, блоҝерләри танымыр вә һәтта 2005-ҹи илдә Алманијада ҝөрүшләри заманы Емин Миллинин онун тәрҹүмәчиси олдуғуну хатырлатдыгда белә хатырламајыб. Әвәзиндә Әлијев Емин Миллинин Нју-Јоркда БМТ-нин бинасы гаршысында Азәрбајҹанда конститусија референдумуна гаршы етираз аксијасы тәшкил етдијини хатырлајырды.
“АБШ-да һәгигәтән дүшүнүрләр ки, һадисә ешшәјә аид видеојла бағлыдыр?”, дејә президент Әлијев суал едиб. Метју Брајза ҹаваб вериб ки, блоҝерләрин аиләләри вә јахынлары мәһз белә дүшүнүрләр, амма әслиндә бу сүжетдә президентә гаршы һөрмәтсизлик јохдур. “Бахарыг, ҝөрәк нә етмәк олар?, дејә Әлијев гејри-мүәјјән фикир билдириб.
Диггәт: Хәбәрдән истифадә етдикдә мәнбәјә истинад лазымдыр
