Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Азәрбајҹан Ислам Партијасынын (АИП) сәдри Һаҹы Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партија сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Сејјид Фәрамиз Аббасов вә Зүлфүгар Микајылзадәнин ҹинајәт иши үзрә мәһкәмәнин сон иҹласы кечрилиб.
15:00- да Мәһкәмәнин һакими Елдар Исмајылов исламчылара һөкм охумаға башлајыб.
16:32-да Һаким Исламчылара артыг һөкм охујуб. Азәрбајҹан Ислам Партијасынын (АИП) сәдри Һаҹы Мөвсүм Сәмәдов 12 ил, Фирдовси Мәммәдрзајев 10 ил, Дәјанәт Сәмәдов 10 ил, партија сәдр мүавини Вагиф Абдуллајев 11 ил, Астара рајон тәшкилатынын сәдри Руфулла Ахундзадә 11 ил 6 ај, Сејјид Фәрамиз 11 ил азадлыгдан мәһрум едилиб. Зүлфүгар Микајылзадәјә исә 5 ил сынаг вә 5 ил шәрти һөкм охунуб.
Һакимин һөкмү елан етмәси исламчыларын јахынларынын етиразы илә гаршыланыб. Фәрамиз Аббасовун гызы, еләҹә дә Руфулла Ахундзадә етираз сәсләрини галдырыблар.
16:50-да Полис мәһкәмәнин гаршысына топлашан тәгсирләндириләнләрин гоһумлары вә тәрәфдарларыны дөјәрәк ордан узаглашдырыб. Хәсарәт аланлар вар. Ејванлардан бахан гоншу биналарын сакинләри полисин адамлары сөјүб, дөјмәсинә етираз едибләр. Һәбс едиләнләр Нәсими рајон полис идарәсинә апарылыблар. 15 нәфәрә јахын сахланылан вар. Онларын арасында адларыны дәгигләшдирдијимиз Рауф Гарајев, Рәһим, Миртофиг, Пәрвиз, Зөһраб, "Хебер44.cом" сајтынын баш редактору Араз Гулијевдә вар.
Диггәт: Хәбәрдән истифадә етдикдә мәнбәјә истинад лазымдыр
