2011-10-06
Мәһәммәд Мустафа
Һидајәт јолуна табе оланлара салам олсун!
Бу ҝүн ҝүҹ, гүдрәт вә ганун мүвәггәти олараг, сизин үчүн хидмәт едә биләр, амма тарихдә шаһид олдуғу кими бу белә давам едәҹәји анламына ҝәлмәз. Чох јахында бу әзиз, гејрәтли вә мөмин халг сизләри лазым олдуғунуз јеринизә отурдаҹаг! Ахирәтдә исә сизләри ағрылы әзаблар ҝөзләјир! Әлбәттә, бүтүн бунларын һамысы анҹаг сизләрин тутдуғунуз бу һагсыз јолу давам етдирдијиниз вә төвбә етмәдијиниз һалда сизә аид олаҹагдыр!
Өз халгын вә башга өлкәләрин халгларыны гыран Сәддамын сону неҹә олду? Гырх илдән чох өз халгына диктаторлуг едән, Мүбарәкин агибәти неҹә олду? Бири дар ағаҹына ҝетмәдими, диҝәри исә өлүм гәфәсинә ҝирмәдими?! Билиниз ки, бу әмәлләринизлә халгын кин вә нифрәтини ојатмагдан башга бир шеј етмирсиниз!
Ибрәт ҝөтүрмәк истәјирсинизсә, Гуранда ады чәкилән фиронлары, гарунлары вә нәмрудларын агибәтинә бир бахын! Гурана инанмырсынызса, һеч олмаса мүасир дөврүмүздә јашајан вә өз халгыны гыран диктаторларын сонуна бир бахын!
Јохса, һагг сөзү дедији вә вәтәнин хошбәхтлијини истәдији үчүн јаландан шәрләнәрәк һәбс олунмушларын вә иш кәсмәк истәдијиниз кәсләрин халгына рәһбәрлик едирсиниз!?
Авропа мәһкәмәси ону Фәләстиндә етдији һәрби ҹинајәткарлығына ҝөрә тутса, һәрби трибунаја верәҹәјини билдирән һалда, ону Бакыда јүксәк сәвијјәли шәкилдә гаршылајараг еһтирам гојуб гонаг етдијниз, Еһуд Олмертин халгынамы рәһбәрлик едирсиниз!?
Өлкәниздә јашајан аз сајда јәһуди сеногогларына бир сөз демәдијиниз һалда, мүгәддәс мәсҹидләрин сөкүлмәсинә ҝөстәриш вериб, мәсҹиди мәһкәмәјә вердијиниз мүсәлман халгамы рәһбәрлик едирсиниз!?
Мән билмәдим ки, сиз һансы халга хидмәт едирсиниз?! Бакыда јәһуди шаҝирд вә тәләбәләрин өз истәдикләри ҝејимләри илә мәктәбләрә ҝедә билмәсинә иҹазә верәрәк, мәктәбләринин ачылышына ҝедиб, онларын сизин өлкәдә јашадыглары үчүн фәхр етдијинизи ачыгладығыныз халга, јохса, өз етигадына ујғун бир шәкилдә һиҹаблы охумасына иҹазә вермәдијиниз шаҝирдәрин халгына!?
Ҹәнаб Президент! Сиз чох јахшы билирсиниз ки, сизә вә сизин мәмурларыныза етираз едән бу пак вә гејрәтли инсанлар, сизин президент оларкән әл басдығыныз мүгәддәс Гуранын елмләрини өјрәнән вә бу халгын өвладларыдыр. Онлар, даһа өнҹә дә сизинлә шәхси дүшмәнчиликләринин олмадыгларыны мүхтәлиф јолларла билдирмишдиләр. Һәтта, индики һаллары илә дә буну сизә ашкар шәкилдә ҝөстәрмәкдәдирләр. Амма, һеч бир әсасы олмадан, төһмәтлә, бөһтанла вә јаланчы шаһидләрлә һагг сөзү ешитмәјә дөзүмсүзлүк ҝөстәрмәнизлә Аллаһ вә халг јанында нә гәдәр мәнфур вә аҹиз олдуғунузу ҝөстәрирсиниз.
Бу ҝүнә кими бу јашанан һагсызлыглара сәбр едән халгын сәбри, онун горхаглығындан дејил, бөјүклүјүндәндир! Амма, халг бу ҝүнаһсыз инсанларын бәраәт газаныб азадлыға чыхмасы һөкмүнүн јеринә, онлары һагсыз һәбс етдикләринизи ешитсәләр, онларын сизә олан инамы тамамилә арадан ҝедәҹәкдир вә ондан сонра баш верәҹәк һадисәләрин мәсулу јалныз, сиз олаҹагсыныз.
Аллаһ-Таала бәндәләринин ҝүнаһкар олдугларыны билир вә буна ҝөрә дә һәмишә онлара төвбә етмәк фүрсәти вермәкдәдәир. Кечмиш үммәтләрдә олдуғу кими пак инсанлары, јолларыны итирмиш инсанлара тәрәф ҝөндәрәрәк дәлилини тамамлајыр. Бу илаһи ганун, һәзрәт Адәм пејғәмбәрин (ә) јарандығы ҝүндән бу ҝүнә кими давам етмәкдәдир. Белә илаһи ганунун мүасир һәјатымызда бариз нүмунәләриндән бирини дә Азәрбајҹанда мүшаһидә етмәкдәјик. Аллаһа бәндә олмагдан бојун гачыран бир дәстә инсанлар, әзиз вә мәгамлары бөјүк олан бир мүсәлман халга рәһбәрлик едирләр. Амма, вәзифәләрини дүзҝүн јеринә јетирмәдикләри үчүн ејни халгын ичиндә јетишмиш, гејрәтли вә иманлы диҝәр бир дәстә инсан исә биринҹи инсанларын зүлм вә сәһвләрини ислаһ етмәкдән өтрү онлара гаршы өз етираз сөзләри илә ајаға галхмышлар. Мәнфәәтләринин тәһлүкәјә дүшдүјүнү ҝөрән рәһбәрләр, онлара гаршы чыхан бу пак вә гејрәтли инсанлары мүхтәлиф бәһанә вә шәрләрлә һәбс едәрәк зинданлара атмышлар. Бу јашананлара тәпки олараг мән һәләлик садәҹә буну дејә биләрәм: Еј кимин бәндәси олдуғуну унудан вә кимин бәндәләринә рәһбәрлик етдијиндән гәфләтдә галан ҹәнаб Президент! Вә еј онун гуллуғунда дуран мәмурлар!
Һәзрәт Адәмин (ә) өвладлары олан биз инсанлар һәмишә иззәт, еһтирам, кәрамәт, вар-дөвләт вә мәгам ардынҹајыг. Гејд олунмуш бүтүн бу мәгамлары әлдә етмәјин јеҝанә јолу јалныз, Аллаһ-Таалаја бәндәчилик етмәклә мүмкүндүр. Бунун әксини дүшүнмәк мүмкүн дејилдир чүнки, јалныз Аллаһ-Таала Өз салеһ бәндәләринә белә мүһүм мәгамлары әта едәр. Аллаһ-Таала, Гурани-Кәримдә бујурур: “Шүбһәсиз ки, (иззәт вә) гүдрәт тамамилә Аллаһа мәхсусдур!” (Ниса сурәси 139) Диҝәр бир ајәдә исә бујурур: “Еј инсанлар! Сиз Аллаһа мөһтаҹсыныз. Аллаһ исә (һеч нәјә, о ҹүмләдән сизин ибадәтинизә) мөһтаҹ дејилдир. О (һәр ҹүр) шүкрә (тәрифә) лајигдир!” (Фатир сурәси, 15) Аләмләрин Рәббинә бәндә олмагдан бојун гачырараг, башга јолларла о мәгамлара наил олмаг истәјәнләрә Аллаһ-Таала белә бујурур: “Одур Аллаһ. Ондан башга һеч бир танры јохдур. Дүнјада да, ахирәтдә дә һәмд-сәна Она мәхсусдур. Һөкм Онундур. Сиз Онун һүзуруна гајтарылаҹагсыныз!” (Гәсәс сурәси, 70)
Бу аја тәсадүф едән һадисәләрдән бири дә илк дәфә јер үзүнүн Кәбә евинин алтында су үзүнә чыхмасы јәни, Дәһвул-әрз ҝүнүнә тәсадүф етмәсидир. Бу да сөзүн әсл мәнасында илаһи рәһмәтин вә лүтфүн јер үзүндә Өз бәндәләринә аид олмасыдыр. Диҝәр бир рәвајәтә ҝөрә бу ај, ән чәтин заманларда дуаларын гәбул олундуғу вә ҹаваб верилдији ајдыр. Бунларын һамысы Аллаһ-Тааланын варлыглара олан сонсуз рәһмәт вә мәрһәмәтинин нишанәләридир.
Кәрамәт, мәрһәмәт вә бағышланмагла долу зил-гәдә ајы Һагг-Таалаја тәрәф дөнмәкдән өтрү јени бир фүрсәтдир. Аллаһ-Тааланын (дөјүш вә саир ишләрин хүсуси) һарам елан етмиш олдуғу дөрд ајдан биринә јәни, зил-гәдә ајына гәдәм гојмушуг. Бу мәрһәмәтли ај ики баҹы-гадаш јәни, Имам Рза (ә) вә баҹысы һәзрәт Мәсумәнин (с) доғум ҝүнләри илә бәзәнмишдир.
Бисмиллаһир-рәһманир-рәһим!
