Әһли Бејт -АБНА- хәбәр аҝентлијинин вердији хәбәрә әсасән: “Полис әмәкдашларынын ҹидди јохламалрына бахмајараг хејли сајда ГАТ-чы зала ҝирә билмишләр. Полис әмәкдашлары бәзи аксијачылары залдан чыхармыш, Илгар Әлијевин зала ҝирмәсинә имкан вермәмишләр” Октјабрын 1-дә бир груп ГАТ үзвү бокс үзрә дүнја чемпионаты кечирилән идман комплексинә дахил олуб вә ермәни идманчыларынын јарышда иштиракына гаршы аксија кечириб.
Аксија иштиралчылары јарыш кечирилән зала тәк-тәк дахил олмуш, нәзәрә чарпмадан тамашачыларын ичәрисиндә јер тутмушлар. ГАТ-дан дахил олан мәлумата ҝөрә, полис әмәкдашларынын ҹидди јохламалрына бахмајараг хејли сајда ГАТ-чы зала ҝирә билмишләр. Полис әмәкдашлары бәзи аксијачылары, о ҹүмләдән ГАТ сәдринин мүавини Ҝүлтәкин Гулијеваны таныјараг залдан чыхармыш, Илгар Әлијевин зала ҝирмәсинә имкан вермәмишләр. Ичәридә олан етиразчылар ермәни идманчысынын рингә чыхмасыны ҝөзләмишләр.
Ахшам саат 20:00 радәләриндә ермәни идманчы рингә ҝәләркән һәр тәрәфдән “Рәдд олсун ермәниләр!” , “Ермәниләри дәвәт едәнләрә ар олсун!” , “Ја Гарабағ, Ја өлүм!” шүарлары сәсләндирилмиш, ермәни идманчысынын дахил олдуғу ринг даш атәшинә тутулмушдур. Јарыш дајандырылмыш, идманчылар вә һакимләр ринги тәрк етмишләр. Јүзләрлә полис аксија иштиракчыларына һүҹум етмиш, зор тәтбиг етмиш, аксија иштиракчыларындан 7 нәфәри, о ҹүмләдән Елшән Мәммәдли, Расим Әлизадә, Етибар Әлијев вә диҝәрләрини һәбс етмишләр. Нәсими рајонунун 20-ҹи полис бөлмәсиндә онлар дөјүлмүшләр, Әли адында полис мајору Елшән Мәммәдлинин сифәтинә јумругла зәрбә ендирмишдир, бу вахт 2 полис нәфәри Елшән Мәммәдлини голларындан тутуб сахлајырдылар. Сахланыланлар 2 саатдан сонра хәбәрдарлыг едиләрәк сәрбәст бурахылыблар.
Диггәт: Хәбәрдән истифадә етдикдә мәнбәјә истинад лазымдыр
