Әһли Бејт -АБНА- хәбәр аҝентлијинин вердији хәбәрә әсасән: Сепаһын (Иран Ингилаб Ҝөзәтчиләри Ордусу) Гуру гүввәләри Командир Көмәкчиси Ҝенерал Абдуллаһ Ираги, Мүгәддәс Мүдафиә Һәфтәси фәалијјәтләри чәрчивәсиндә Гум шәһәриндә тәшкил едилән бир сәрҝидә ПКК-нын Иран голу олан ПЖАК илә әлагәдар ачыгламалар вериб.
Ингилаб Ҝөзәтчиләри Ордусунун әмәлијјатларында 180 ПЖАК јараглысынын өлдүрүлдүјүнү, 300-үнүн исә јараландығыны ифадә едән Ҝенерал Ираги, "ПЖАК тәшкилаты, Иран Ислам Республикасынын бүтүн шәртләрини гәбул едиб тәслим олдуғунун ҝөстәриҹиси олараг башыны өнә әјди вә әлләрини һаваја галдырараг Ҹасусан тәпәләриндән чәкилди" дејиб.
Иран Ингилаб Ҝөзәтчиләри Ордусу бир мүддәт әввәл Ҹасусан тәпәләринин террорчулардан тәмизләндијини ачыгламышды.
Ингилаб Ҝөзәтчиләри Ордусу Гуру гүввәләри Командири Ҝенерал Мәһәммәд Таки Әсанлы да өтән Чәршәнбә ҝүнү вердији ачыгламада, "Ингилаб Ҝөзәтчиләри Ордусу, шимал-гәрби террорчулардан тәмизләјәрәк сәрһәдин сыфыр нөгтәсинә гәдәр ҝетди вә бөлҝәни нәзаәрти алтына алды" демишди.
Диггәт: Хәбәрдән истифадә етдикдә мәнбәјә истинад лазымдыр
