Әһли Бејт -АБНА- хәбәр аҝентлијинин вердији хәбәрә әсасән: Теһранын ҹүмә намазы хәтиби Ајәтуллаһ Әһмәд Ҹәннәти Ирана гәбул етдирилмиш 8 иллик мүһарибә дөврү олан, мүгәддәс мүдафиә һәфтәсиндә халгы тәбрик едәрәк дејиб: Мүгәддәс мүдафиә ИИР-нин елми, сәнаје, сијаси вә һәрби инкишафларынын әсасынын гојулмасына сәбәб олду.
Ајәтуллаһ Әһмәд Ҹәннәти дејиб: Инкишафлардан әлавә, мүгәддәс мүдафиә дөврү ислами Иранын истиглалијјәтинин там шәкилдә мөһкәмләнмәсинә сәбәб олду вә ИИР-на иззәт вә гүдрәт бәхш етди.
Белә ки, һазырда Иранын мүдафиә вә һәрби гүдрәти, дүшмәнләри аҹиз вә пассив вәзијјәтә салыб.
Ирандакы мүгәддәс мүдафиә дөврүндә мүһарибә әлилләринин рәшадәтләрини јүксәк дәјәрләндирән Теһранын ҹүмә намазы хәтиби сонра дејиб: Реҝионда ислами ојанышын формалашмасы Иранда мүгәддәс мүдафиә дөврүнүн мүһарибә әлилләринин шүҹаәтләринин нәтиҹәси, бу дөврүн бәрәкәтләриндәндир.
Ајәтуллаһ Әһмәд Ҹәннәти сонра дејиб: Аллаһ Таланын Лүтфү илә ислами ојаныш ҝенишләнмәкдәдир вә диктаторлар бир-биринин ардынҹа деврилир вә әдаләтсевәр зәфәр чалырлар.
Теһранын ҹүмә намазы хәтиби өз сөзләринин давамында Бәһрејн халгынын мүгавимәтини дә алгышлајыб вә Али Хәлифә вә Али Сәуд амилләринин Бәһрејнин ингилабчы халгы хүсусилә бәһрејнли гадынларла агрессив формада давранмаларыны писләјиб.
Диггәт: Хәбәрдән истифадә етдикдә мәнбәјә истинад лазымдыр
