Әһли Бејт -АБНА- хәбәр аҝентлијинин вердији хәбәрә әсасән: Коллеҹин һәјәтиндә сојунун сонра ҝирин коллеҹә.
Газахыстанда орта мәктәбләрдә јаранан баш өртүсү мәсәләси һагда бир мүддәт әввәл хәбәр вермишдик. Азадхебер.аз сајты Русија медиасына истинадән вердији хәбәрә ҝөрә, инди коллеҹләрдә бу мәсәлә ачыг бир шәкилдә габарыб. Газахыстанын Актау шәһәринин Тибб коллеҹиндә дини әгидәсинә ҝөрә баш өртүсү тахан тәләбә гызлара тәзјигләр олунур.
Тәләбәләрдән бири 2-ҹи курс тәләбәси Гүлфијә Бисенгалијева: "Мән әла гијмәтләрлә охујан тәләбәјәм. Һеч кәс мәним нә давранышымда нәдә дәрсләримдә мәнә ирад тута билмәз. Амма мән әгидәмә ҝөрә Һиҹаб тахдығым үчүн рәһбәрлик тәрәфиндән дәрсләрдән мәһрум олма әрәфәсиндәјәм.Мәним кими бир нечә белә тәләбәләрдә вар. Онларда һәмчинин бу ҹүр тәзјигләр алтындадылар. Бизә дејилләр ки, коллеҹин ичиндә дејил һәјәтиндә сојунун һиҹабларынызы чыхарын сонра ичәри кечин. Артыг 2-ҹи дәфәдир ки, рәһбәрлик шәхсән мәнә гаршы бу әмәли практики олараг едир. Бүтүн тәләбәләрин ичиндә мәни чөлә чыхарыб чөлдә сојунмаға вадар едир."
Тәләбә Ајзадә Онгаргызы:"Һиҹаб тахмаға мәни һеч кәс мәҹбур етмәјиб . Бу мәнин шәхси сечимимдир. Валидејнләримиз бизә нәзарәт едир. Мәсҹидә ҝетмәк гадына ваҹиб олмадығы үчүн мән дәрсдән ҝәләндән сонра демәк олар ки, евдән чөлә чыхмырам. Анам хаһиш едәндә истиснадыр. Бизә дедиләр ки, гызлардан һеч кәс гыса јубка ҝејмәсин вә узун дабанлы ајаггабыларданда истифадә етмәсинләр. Узун јубка ҝејинмәјидә гадаға етдиләр. Ондан сонра гызлар шалвар ҝејинмәјә башладылар. Бирҹә мараглысы будур ки, нијә индијә гәдәр узун дабанлы ајаггабы ҝејән вә гыса јубка ҝејән гызлара һеч бир сөз демирләр."
Гејд едәк ки, Коллеҹдә намаз гылан вә һиҹаб тахан тәләбәләрин валидејинләрини бир мүддәт әввәл чағырдылар вә онлардан изаһатар алдылар. Вә һеч бир сөз демәдиләр.
Мәсәлә илә бағлы Атырау коллеҹинин рәһбәри Ҝүлбајрам Әбдүррәһманова белә дејиб:"Рәһбәрлик бу ҹүр сәрт аддымлар атмаға мәҹбурдур. Биздә, Прокурорлуг вә Милли Тәһлүкәсизлик ҝүндәлик һесабатлар апарыр. Биз өз башына бу иши етмирик. Биз диндар тәләбәләрин валидејнләрини чағырыб бу мәсәлә илә бағлы әтрафлы данышмышыг. Горхуруг ки, намаз гылан, Гуран охујан вә һиҹаб тахан тәләбәләрин сајы артар вә диндар бир мүһүт јаранар. Биз Ислам дөвләтиндә дејил Демократик бир дөвләтдә јашајырыг. Һәмчинин мән инанмырам ки, Һиҹаб тахан тәләбәләр тәһсили баша вурдугдан сонра иш тапа билсинләр. Артыг белә һаллары өтән ил мүшаһидә етмишик. Бир чох Һиҹаблы коллеҹи битирән мәзунлар ишсиздирләр. Һеч бир сәһијјә оҹағы онлары ишә гәбул етмир.
Гејд едәк ки, бу проблемлә бағлы бир чох вәтәндашлар һәмчинин зијалылар јаранмыш вәзијјәтлә бағлы Мәсҹидләрдә Имамлыг едән инсанлары ҝүнаһландырырлар. Бәзиләри дејир ки, Дөвләт һаглыдыр, чүнки елә радикал гүввәләр вар ки, ҹаванлары өз сәмтләринә јөнәлдирләр нәтиҹәдә дөвләтчилик ҝәләҹәкдә тәһлүкә илә үзләшә биләр. Имамларда зәиф тәблиғат апарырлар. Радикал Исламчылар ҝәнҹләримиздән истифадә етмәк истәјирләр. Ҝәләҹәкдә бурада өз һакимијјәтләрини гурсунлар.
Бәзиләридә Мәсҹид имамларыны горхаглыгда, өз вәзифәләрини итирмәкдә, Милли Тәһлүкәсизлик Органлары тәрәфиндән тәзјигләрә мәруз галмагдан чәкинмәкдә, Һаггы минбәрләрдән сөјләмәмәкдә тәгсирли билирләр. Инсанларын фикринҹә Мәсҹидләрдә имамлар һеч нәдән горхмајыб, вәһдәт тәшкил едиб бир јердә күчәләрә төкүлүб етираз етсәләр бу мәсәләләр өз һәллини тапаҹаг. Чүнки инсанлар ҹүмә ҝүнләри мәсҹидләрә ахышыб имамларын нә сөјләјәҹәкләринә мөһтаҹдылар.
Диггәт: Хәбәрдән истифадә етдикдә мәнбәјә истинад лазымдыр
