“Әбдур Рәһман Оуф өз атасы Әбдүр Рәһмандан белә нәгл едир: Пејғәмбәр (с) бујурмушдур: Әбу Бәкр, Өмәр, Осман, Әли, Тәлһә, Зүбејир, Әбдүр Рәһман Бин Оуф, Сәид бин Әби Ваггас, Сәид Бин Зејд, Әбу Убејдә ҹәннәтликдирләр.”
Әввәл ҝәлин бу һәдисин сүнни сәһиһ китабларында нәгл олунмасыны арашдыраг. Мәлум олмушдур ки, Сәһиһејн китабларында бу һәдис нәгл олунмамышдыр.
Икинҹиси Әбдур Рәһман Оуф дүнјаја ҝәлдикдән бир ил сонра дүнјадан көчмүшдүр. (Әксәр тарихи китаблара әсасән) Демәли О атасындан бирбаша нәгл едә билмәз. Арада бир васитәчи олмалыдыр. Бу да мәлум дејил. Демәли бу һәдис сәһиһ һәдис олмагдан чыхыр.
Үчүнҹүсү әҝәр белә һесаб етсәк ки, о атасындан доғурдан да бу һәдиси нәгл етмишдир. Бәс нә үчүн бу һәдиси Пејғәмбәрин (с) шәһадәтиндән 29 ил кими узун вахт кечдикдән сонра куфәдә Мүавијәнин заманында сөјләмишдир вә Хилафәт заманында сөјләнмәмишдир?
Бу да бөјүк суал доғуран бир мәсәләдир.
Инди биз әминликлә вә һаггымыз чатыр ки, бу һәдиси сәнәд бахымындан доғру һәдис һесаб етмәјәк.
Ҝәлин бу мәсәләни Гуран нөгтеји-нәзәриндән арашдыраг: Әҝәр бу он нәфәр һәр нөв ҝүнаһ вә ја сәһв етмәләринә бахмајараг ҹәннәтлә мүждәләнибләр вә онлара зәманәт верилибсә, бәс нә үчүн Гурани кәрим Исра сурәсинин 74- 75- ҹи ајәләриндә о уҹа мәгамла Пејғәмбәр (с) барәсиндә белә бујурур: “ Ја Пејғәмбәр! Әҝәр Биз сәни сабит гәдәм етмәсәјдик, јәгин ки, азаҹыг да олса онлара ујаҹагдын! ( Белә олдугда) Сәнә һәјатын вә өлүмүн икигат әзабыны даддырардыг.”
Аллаһ тәала о бөјүк мәгамла Пејғәмбәрә белә бујурур ки, Әҝәр сән бир аз белә һагг јолундан азсан вә мүшрикләрә мејилли олсан сәнә әзаб вериләҹәк. Бу һалда неҹә мүмкүндүр ки, онун Әсһабына белә бир азадлыг верилсин. Һәр нөв сәһв вә ҝүнала ҹәннәтлә мүждәләнсинләр?!
Диҝәр тәрәфдән Аллаһ тәала ҹәннәтлә мүждәләнләрин хүсусијјәтләрини белә бәјан едир:
“Ја Пејғәмбәр! Иман ҝәтирән вә јахшы ишләр ҝөрән кимсәләрә мүждә вер: Онлар үчүн алтындан чајлар ахан ҹәннәтләр вардыр.” ( Бәгәрә сурәси, ајә 25)
“Иман ҝәтириб јахшы ишләр ҝөрәнләр вә үмидләрини Рәббинә бағлајанлар исә ҹәннәтликдирлә.” ( Һуд сурәси, 23) Вә с
Инди исә ҝәлин бахаг ҝөрәк онлар доғурдан да мы Аллаһ јолунда олмушлар?! Әҝәр ҝөрсәк ки, онларын сәһв вә ја ҝүнаһлары олуб, онда бу замычилик вә тәминатшылыг дүзҝүн дејил!
Ҝәлин бу барәдә Һәзрәт Әлинин (ә) Нәһҹүл Бәлағә китабынын шыгшигијјә хүтбәсинә мүраҹиәт едәк!
Аллаһ тәала јухарыда дејилән Исра сурәсинин 71- ҹи ајәсиндә белә бујурур: Бир ҝүн (Гијамәт ҝүнү) бүтүн инсанлары өз имамлары илә бирликдә чағыраҹағыг.
Пәрвиз Мустафа
