Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Иранда "Мүгәддәс мүдафиә" һәфтәси мүнасибәтилә кечирилән һәрби парадда баллистик ракетләр, узагмәнзилли "Шаһаб", "Гадр Ф", "Сиҹҹил" ракетләри вә радардан јајына билән "Галханбалығы" тәјјарәси нүмајиш олунуб.
Бу мүнасибәтлә Теһран вә башга шәһәрләрдә һәрби техниканын нүмајиш олундуғу һәрби парадлар кечирилир. Ираг-Иран мүһарибәси 1980-ҹи ил сентјабрын 22-дә Ираг ордусунун Иранын Хузистан әјаләтинә һүҹум етмәси илә башлајыб. Мүһарибә 1988-ҹи ил августун 20-дә бағланмыш атәшкәс мүгавиләси илә баша чатмыш вә һәр ики дөвләтин сәрһәдләри мүһарибәдән әввәлки вәзијјәтдә гајтарылмышдыр.
Мәлумата әсасән, парадда, һәмчинин "Зүлфүгар", "Т55" вә инкишаф етдирилмиш "Т72" танклары, "Гасид 3", "Шаһин" ракетләри вә Иранын истеһсалы олан мүхтәлиф нөв катерләр, силаһлар нүмајиш олунуб.Бу ҝүн кечирилән һәрби парадда Иран Силаһлы Гүввәләринин бүтүн бөлмәләри, "Сепаһ" корпусу, Гуру Гошунлары вә Һәрби Һава Гүввәләри иштирак едибләр. Парад Ислам Дүнјасынын сабиг али лидери Ајәтуллаһ Имам Хомејнинин мәгбәрәси өнүндә тәшкил олунуб.Һәр ил гәрб вә шәрг өлкәләринин (кечмиш советләр иттифагы) АБШ вә сионизимин башчылығы илә Ирагы тәһрик едәрәк Иран Ислам Республикасына һүҹум етдији ҝүн Иранда "Мүгәддәс мүдафиә" һәфтәси кими гејд олунур.
Диггәт: Хәбәрдән истифадә етдикдә мәнбәјә истинад лазымдыр
