Әһли Бејт -АБНА- хәбәр аҝентлијинин вердији хәбәрә әсасән: Азадхебер.аз сајтынын әлдә етдији мәлумата әсасән Нәриманов Рајон Мәһкәмәсиндә мај ајынын 6-сы "Һиҹаба Азадлыг!" аксијасында иштирак едән вә һәбс едилән Әлван Һүсејнов, Рөвшән Мәммәдов, Нурани Мәммәдов, Араз Исмајылов вә Рүфәт Нуријевин мәһкәмәсиндә даһа бир зәрәрчәкмиш ифадәси динләнилиб.
Сентјабрын 20-дә кечирилән просесдә аксија азаманы сонунҹу 4 зәрәрчәкәнләрин ифадәси алынмасы үчүн Нәриманов Рајон Мәһкәмәсинә дәвәт едилсәләрдә онлардан јалныз бири просесдә иштирак едиб. Зәрәрчәкмиш гисминдә мәһкәмәјә дәвәт едилән полис әкәмдашы һәбс едиләнләрә гаршы һеч бир шикајәтинин олмадығыны билдириб.
Просес заманы мај ајынын 6-сы "Һиҹаба Азадлыг!" аксијасындан чәкилмиш видео ҝөрүнтүләр изләнилиб. Видео ҝөрүнтүләрдәндә ачыг ашкар бәлли олуб ки, аксијада исламчылар полисләрә дејил, полисләр исламчылара ағыр хәсарәтләр јетирибләр.
Гејд едәк ки, мај ајынын 6-сы "Һиҹаба Азадлыг" аксијасына ҝөрә һәбс олунан Әлван Һүсејнов, Рөвшән Мәммәдов, Нурани Мәммәдов, Араз Исмајылов вә Рүфәт Нуријев Азәрбајҹан Республикасынын Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) иттиһам олунурлар.
Дахили Ишләр Назирлији (ДИН) јајдығы мәлумата ҝөрә, һиҹаба гадаөасына етираз аксијасы мајын 6-сы Тәһсил Назирлијинин бинасы гаршысында кечирилиб. Бу аксијаја ҝөрә 15 нәфәр ҹинајәт мәсулијјәтинә алынараг һәбс едилиб. Һүгуг мүһафизә органларынын мәлуматына ҝөрә, аксија иштиракчылары 4 шәхси автомобилә, бир нечә иҹтимаи-иашә вә тиҹарәт објектинә зијан вурублар, 26 полис әмәкдашы хәсарәт алыб.
Диггәт: Хәбәрдән истифадә етдикдә мәнбәјә истинад лазымдыр
