Әһли Бејт -АБНА- хәбәр аҝентлијинин вердији хәбәрә әсасән:
Азәрбајҹанын Фирузабадинин мәлум чыхышындан сонра Ирана ҹаваб олраг атдығы гејри-нормал аддымлары давам едир. Бу барәдә өлкәнин нүфузлу политологлары өз фикирләрини мәтбуатла бөлүшүбләр.
Политолог Әрәстун Оруҹлу мәтбуата билдириб ки, һакимијјәт Фирузабадијә сәрт ҹаваб вермәјә чалышды. Онун фикирләринә ҝөрә гаршы тәрәфә гаршы белә бир ҹаваб методу һеч бир ганун чәрчивәсинә сығмыр: “Һакимијјәт Ирана ишләдијини иддиа еләдији диндарлары һәбс еләмәклә елә бил ки, Иран ордусу баш гәрарҝаһ рәисинин һәдәсинә ҹаваб вермиш олду”.
Политолог Елхан Шаһиноғлу исә һакимијјәтин Ирана бу шәкилдә “ҹавабыны” адекват һесаб етмир: “Әлбәттә, һөкумәт мүәјјән аддымлар ата биләр. Амма инсанларын ҹибиндән наркотик ”тапмаг", үзәриндән силаһ чыхармаг кими иттиһамлара артыг Азәрбајҹанда һеч ким инанмыр".
Бундан әлавә дүнән әлдә етдијимиз мәлумата ҝөрә Јевлах Ҹүмә мәсҹидинин имам ҹамааты Һаҹы Рамин Гулијев вә Јевлах руһаниси Самир Мәммәдов дүнән сәһәр саатларында һәбс олунублар.
Мәлуматда билдирилир ки, полисләр Рамин Гулијеви вә Самир Мәммәдову полис бөлмәсинә апарыблар. Лакин онларын сахланылмасы һагда һеч бир мәлумат верилмир.
Һазырда полис бөлмәсинин гаршысында чох сајда диндарларын топлашдығы гејд олунур.
Лакин ҝүнорта саатларында алдығымыз мәлумата ҝөрә һәр ики диндар сәрбәст бурахылыблар. Онларын сахланылмаларына сәбәб үзәриндә һиҹаб мәһбусларынын шәкили олан тәгвимләрин һазырланмасы вә әһалијә пајланылмасы олуб.
Диггәт: Хәбәрдән истифадә етдикдә мәнбәјә истинад лазымдыр
