Әһли Бејт -АБНА- хәбәр аҝентлијинин вердији хәбәрә әсасән:
Һөҹҹәтүл-ислам Һәсән Амили дүнән Әрдәбилин ҹүмә намазы хүтбәләриндә дејиб: "Мәним Инҝилтәрә һөкумәтинә белә бир тәклифим вар. О да бундан ибарәтдир ки, етираз аксијаларында иштирак едәнләрин евләринә сохулуб, онлары һәбс етдикдән сонра онларын ҹинајәткар олдуғуну неҹә сүбут едәҹәксән? Бунун үчүн мән сизә мараглы бир јол ҝөстәрә биләрәм ки, бу јолу Азәрбајҹан Республикасы һөкумәтиндән өјрәнмишәм вә сәнин дә дәрдинә дәјә биләр. Чүнки, бир-биринизә тајсыныз. Азәрбајҹан Республикасы полиси һәмишә өз јанында еһтијат силаһа вә наркотик маддәјә маликдир ки, биринин ағзыны јуммаг лазым ҝәлдикдә евинә силаһ вә ја наркотик атыб, сонда иддиа едир ки, бу шәхс наркотик маддәләрин алвери илә мәшғул имиш. Бу, бир һөкумәтин өз халгына гаршы орта әсрләрә аид методлардан истифадә едәрәк, давранмасынын нүмунәсидир."
Әрдәбилин имам ҹүмәси сөзләринин давамында дејиб: "Азәрбајҹан Республикасында адыны чәкмәк истәмәдијим бир шәһәрдә бир нәфәрин евинә ҝириб ону тутмаг истәдикләри заман ҝөрүбләр ки, һеч бир сәнәд, дәлил вә сүбут јохдур. Ону бурахмаға мәҹбур олублар. Амма, дејибләр ки, сән ҝет 1-2 ҝүн ҝизлән. Һәмин шәхс исә чох зирәк адам имиш, елә 1-2 ҝүнүн ичәрисиндә өлкә сәрһәдләрини тәрк едиб. Даһа сонра онун евинә силаһ атыб, сонра да һај-һәшир гопарыблар ки, буну тутун, еви силаһла долудур. Амма, мәлум олуб ки, тәрәф артыг өлкәни тәрк едиб."
Диггәт: Хәбәрдән истифадә етдикдә мәнбәјә истинад лазымдыр
