Әһли Бејт -АБНА- хәбәр аҝентлијинин вердији хәбәрә әсасән:
Рәһман вә Рәһим Аллаһын ады илә.
ҺаггЈолу Елм вә Мәдәнијјәт Институту сон ҝүнләр Азәрбајҹан Республикасында, Бакы вә реҝионларда јенидән старт ҝөтүрмүш һәбс далғаларына етираз едир. Институтун Идарә Һејәтинин 12.08.2011-ҹи ил, саат 10:00-да топланан фөвгәладә иҹласында сон һадисәләр мүзакирә едилиб.
Дүнјада дөвләтләрарасы проблемләр диалогларла һәлл едилдији бир дөнәмдә Дөвләт-Вәтәндаш мүнасибәтләриндә зоракылыг, шантаж, шәрләмә һеч бир мәнтигә сығмајан, гејри-сивил үсуллардыр. Артыг сајы 40 нәфәрә чатан һиҹаб мәһбусларына өтән ҝүн Абҝүл Сүлејманов вә Рамин Бајрамов да әлавә едилиб. Ҝүҹ структурлары Азәрбајҹан үчүн әнәнәви јолла ҝедәрәк шәрләмә үсулуна әл атыблар. Дүнја иҹтимаијјәти, һәтта Гадир вә Гәһһар Аллаһ гаршысында һеч бир мәсулијјәт һисс етмәјән ҝүҹ структурларынын мешә ганунларындан усанмајаҹағы ҝөз габағдадаыр.
Һагг Јолу Елм вә Мәдәнијјәт Институнун Идарә Һејәти мөвзуну әтрафлы вә диггәтлә мүзакирә етдикдән сонра илк дәфә белә бир гәрара ҝәлиб ки, мөвҹуд режимлә бурбаша диалоглар там фајдасыздыр вә Азәрбајҹан Республикасында диндарлара гаршы репрессија бејнәлхалг иҹтимаијјәтин нәзәринә чатдырылмалы, дүнјанын глобал проблемләри сырасында јер алмалыдыр. Бу истигамәтдә тәдбирләр планы һазырланыб.
Диггәт: Хәбәрдән истифадә етдикдә мәнбәјә истинад лазымдыр
