Әһли Бејт -АБНА- хәбәр аҝентлијинин вердији хәбәрә әсасән:
Мәһкәмә башлајандан сонра Мөвсүм Сәмәдову вәкили Анар Гасымов вәсадәтлә чыхыш етди. О, вәсадәтиндә билдирди ки, Мөвсүм Сәмәдов барәсиндә сечилән икинҹи һәбс гәтиимкан тәдбири август ајынын 8-дә сона чатыр. Һазырда онун һәбсдә галмасы үчүн һеч бир гануни әсас јохдур. Она ҝөрә дә о, дәрһал азадлыға бурахылмалыдыр. Вәкил тәрәфиндән верилән вәсадәт дөвләт иттиһамчысы тәрәфиндән етиразла гаршыланды. Мәһкәмә Анар Гасымовун вәсадәтини тәмин етмәди. Бундан сонра тәгсирләндирилән диҝәр шәхсләрин вәкилләри өз вәсадәтләрини ҝәлән мәһкәмә просесиндә верәҹәкләрини билдирдиләр.
Сонра АИП сәдри Мөвсүм Сәмәдов вәсадәтлә чыхыш етди. О, вәсадәтиндә билдирди ки, ҹинајәт ишинин материалларында ҝөстәрирлир ки, биз ҝуја силаһлы груплашма јарадараг өлкәдә олан диҝәр дини тәригәтләрә гаршы силаһлы басгын тәшкил едәҹәјдик. Мән билмәк истәјирәм ки, диҝәр дини тәригәтләр дедикдә кимләри нәзәрдә тутурсуз?
- Дөвләт иттиһамчысы: өзүнүз али тәһсилли адамсыз, өзүнүз билмәлисиз.
- Анар Гасымов: Биз истијәрдик ки, дөвләт иттиһамчысы ајдынлыг ҝәтирсин ки, диҝәр дини тәригәтләр дедикдә кимләри нәзәрдә тутур. Диҝәр вәкилләрдә диҝәр дини тәригәтләр мәфһумунун бөјүк олдуғуну гејд едәрәк, һәмкарынын фикирини дәстәкләдиләр вә дөвләт иттиһамчысынын мәсләјә ајдынлыг ҝәтирмәсини истәдиләр.
- А.Г: Бизә ајдынлыг ҝәтирин бу бизә ајдын дејил.
- Вагиф Абдуллајев: Бу аналогу олмајан бир иттиһамдыр. Диҝәр дини тәригәтләр дедикдә ону ичиндә сүнни, шиә, христиан вә.с кими дини тәригәтләр ола биләр. Ајдынлыг ҝәтирин ҝөрәк һансы диндән вә тәригәтдән сөһбәт ҝедир.
- Руфулла Ахундзадә: Бу иттиһамлар һамысы мәнасыздыр.
- Һаким сиз дөвләт иттиһамчысына суал верә билмәзсиз.
Сонра Мөвсүм Сәмәдов ифадә вермәк вә һакимин суалларыны ҹавабландырмаг үчүн ајаға галхды.
- М.С: Мән илк өнҹә мүгәддәс Рамазан ајы мүнасибәти илә бүтүн Азәрбајҹан халгыны сәмими гәлбдән тәбрик едирәм. Бәшәријјәтдә бәзи инсанлар вардыр ки, онларын вәзифәси ҹәмијјәти дағытмагдыр. Әҝәр һәр бир инсан Аллаһын дүз јолунда сабит гәдәм олса, һеч кәс она зијан јетирә бимәз. Дүнјада инсанлар һәмишә өз әгидәләринә ҝөрә мүбаризә апарыблар. Бу ҝүн Азәрбајҹанда мәнәвијјатсызлығын вә зүлмүн өлкәдә көк атмасынын ән бариз нүмунәсидир. Азәрбајҹан мүстәгиллик әлдә етдикдән сонра сионист гүввәләр ону тәсир алтына алыб. Телевизијалара баханда мүсәлманчылыгдан әсәр-әламәт јохдур. Гәзетләрдә Пејғәмбәрә карикатуралар чәкилир, мәктәбләрдә һиҹаба гадаға гојулур, мәсҹидләр сөкүлүр. Һеч бир мүсәлман дөвләтиндә белә һаллар јохдур. Һәтта гоншу Русијада да һиҹаба гаршы белә һөрмәтсизлик едилмир. Артыг 3-ә јахын мәсҹид сөкүлүб. Белә бир һал индијә гәдәр һеч бир мүсәлман өлкәсиндә мөвҹуд олмајыб. Һеч бир мүсәлман өлкәсиндә ҝөрүнмәјиб ки, Аллаһын еви мәһкәмәјә верилсин вә ја сөкүлсүн. Һиҹаб проблеми сүни олараг јарадылыб. Һәтта һазырда постсовет өлкәриндә белә бир проблем мөвҹуд дејил. Әҝәр Гәрбә интеграсија етмәк истәјириксә нијә бәс бу гәдәр ифрата варырыг. Авропа өлкәләриндә һеч белә һаллар мөвҹуд дејил. Биз бу һакимијјәтә она ҝөрә етираз едирик ки, онлар сионистләрә табе олублар. Онларын дедикләри илә отуруб дурурлар.
Сиз мәһкәмә олараг индијә гәдәр ади вәсатәтләри белә гәбул етмәмисиниз. Бу сизин әдаләтсизлијиниздән хәбәр верир. АИП-ин индијә гәдәр етдији етиразларынын әсас сәбәби бунунла бағлыдыр. Јанвар ајынын 2-дә чыхыш етдикдән сонра һәбс олундуг вә бу ҝүнә гәдәр бурдајдыг. Һеч јерә гачмамышдыг. Нә дә ки, мәнимлә бирҝә һәбс олунан јахынларым гачмамышды. Әҝәр биз террорчу дәстә олсајдыг өз евимиздә олмаздыг. Ҝедиб башга јерләрдә ҝизләнәрдик. Мән тутуландан сонра о бири һәбс еләдијиниз вә ҝуја мәнимлә әлбир олараг силаһлы груплашма јаратмаг истәјән шәхсләр нијә гачыб ҝизләнмәдиләр. Бизи һәгигәтдә нәјә ҝөрә һәбс етмисинизсә она ҝөрәдә иттиһам един. Бизә дејин ки, әгидәнизә ҝөрә, чыхышларыныза ҝөрә иттиһам олунурсунуз. Даһа белә ојунбазлыг, сахтакарлыг лазым дејил. Бизим әгидәмиздә сизин ирәли сүрдүјүнүз террора јер јохдур. Биз террору ләнәтләјирик. Сиз исә бизи бундан иттиһам едирсиниз.
Биз мүстәнтиглә бу барәдә сөһбәт едәндә о, дејирди ки, биз чәкиҹик. Нәји дејирләр ону елијирик. Мәндә она дедим ки, Аллаһ сәни мәҝәр чәкиҹ јарадыб.? Сән бәјәм ҹансызсан.? Сонра мүстәнтигләр гырмызы-гырмызы үзүмә дурдулар ки, сән чыхышында ҹиһад сөзү ишләтмисән. Анҹаг мән чыхышымда әсла ҹиһад сөзү ишләтмәмишәм. Сонра мүстәнтиг вә Анар мүәллимлә биз бирликдә видеоја баханда һәгигәтәндә мәним белә бир сөз ишләтмәдијимин шаһиди олдулар. Бундан сонра мүстәнтиг сусуб галды. Мән ачыг елан елијирәм ки, Азәрбајҹан һакмијјәти дә тарихә гарышаҹаг. Азәрбајҹан ислам өлкәсидир. Азәрбајҹан халгы һәм иҹтимаи, һәм дә сијаси просесләри чохдан кечиб.
Мән 6 мај аксијасында тутулан мәһбусларла тәҹридханада ҝөрүшдүм. Онлардан сорушдум ки,сиз ҹавансыз 22-23 јашыныз вар. Ола билсин 3-4 ил мүддәтинә азадлыгдан мәһрум олумбҹаванлығынызы бурада кечирдәсиз. Онлар мәним суалымы чох ҝөзәл формада ҹавабландырарараг, һәбсләринин Аллаһ јолунда олдугларыны вә буна ҝөрә Аллаһ шүкр етдикыәрини билдирдиләр.
- Д.И: Мәтләбдән кәнара чыхырсыз.
- М.С: Чыхмырам. Садәҹә олараг бизим дедикләримизин һеч бири сизин хошунуза ҝәлмир. 1996-ҹу илдә АИП гәрбә баш әјнмәдији үчүн вәтән хаини олду. Гәрблә бағланан нефт мүгавиләсинә өз етиразымызы билдирдик . Дедиләр ки, бу Гарабағын хејри үчүндүр. Бу садәҹә олараг һакимијјәтин мөһкәмләнәси үчүн иди. Биз Аллаһа пәнаһ ҝәтирмишик. Бу мәһкәминин гәрарындан һеч нә ҝөзләмирик. Әсас одур ки, Аллаһ истәјән олсун.
Биз јанвар ајынын 6-да бизи мүлки ҝејимли шәхсләр һеч бир сәнәд тәгдим етмәдән мәһкәмәјә апардылар. Һәбс олунанлардан бирини бурахараг диҝәрләрини суткалыг тәҹридханаја мәни исә Баш Мүтәшәккил Ҹина
