Әһли Бејт -АБНА- хәбәр аҝентлијинин вердији хәбәрә әсасән: Мүкафат мүгабилиндә өјрәнмә вә охуманы тәмин едән бејин һиссәси шизофренија хәстәләриндә нисбәтән пассивдир. Австралијалы алимләрин апардыглары арашдырмалар заманы бәлли олуб ки, бејиндәки "мүкафат" һиссәсинин мүалиҹәсинә јөнәлмиш јени терапија һазырланарса, шизофренија хәстәләринин һәјатыны хејли јахшылашдырмаг мүмкүндүр.
Јени Ҹәнуби Уелс Университетинин нәздиндәки Психиатрија Мәктәбинин әмәкдашы, доктор Томас Вејкертин рәһбәрлик етдији алимләр групунун бәјанатында билдирир ки, бејиндәки вентрал золаглы һиссәҹик мүкафат мүгабилиндә нәјисә өјрәнмәјә ҹавабдеһдир. Ејни заманда, һәмин һиссәҹик бејиндә гәрарларын гәбул олунмасы, планлашдырма вә өјрәнмә функсијаларына да ҹавабдеһдир.
Диггәт: Хәбәрдән истифадә етдикдә мәнбәјә истинад лазымдыр
