Әһли Бејт -АБНА- хәбәр аҝентлијинин вердији хәбәрә әсасән: Фөвгәладә һаллар назири Кәмаләддин Һејдәровла нәглијјат назири Зија Мәммәдовун мүнасибәтләринин үздә дә гајдасында олмадығы билдирилир. Мөтәбәр мәнбә иддиа едир ки, һәтта назирләр күсүлү дә һесаб олуна биләрләр.
«Онлар чалышырлар ки, јанашы дајанмасынлар вә ејни мөвзунун һәмсөһбәтинә чеварилмәсинләр» дејән мәнбә ону да иддиа етди ки, һәтта бу ҝүнләрдә баш тутан тәдбирләрин бириндә јанашы дурмаг мәҹбуријјәтиндә галан назирләр өз араларында кәлмә дә кәсмәјибләр.
Ону да хатырладаг ки, Кәмаләддин Һејдәров бир заманлар ејни гајдада кечмиш игтисади инкишаф назири Фәрһад Әлијевлә дә мүнасибәт ҝәрҝинлији јашајырды. Һазырда Фәрһад Әлијев һәбсханададыр. Кәмаләддин Һејдәров исә һәмин әрәфәдә мәтбуата вердији ачыгламада бу фактлары тәкзиб едирди вә һәтта бу кими јазылары Фәрһад Әлијевлә бирҝә охујараг ҝүлдүкләрини сөјләјирди. Онун әксинә олараг Фәрһад Әлијев тәкзиб етмәмишди вә сонрадан голлары гандалланды.
Индии исә Зија Мәммәдовла Кәмаләддин Һејдәров данышмырлар. Һәр һалда, бу мәнзәрә һаким команда үчүн арзуолунан дејил. Ја онларын һәр икиси ејни вахтда «јох, биз күсүлү дејилик» ачыгламасыны верәҹәк, ја да икисиндән бири ән азындан һаким командадан чыхдаш олунаҹаг.
Чүнки Әлијев дөвләтин башына кечдикдән сонра мәһз командасында ваһид рәји формалашдырмаға чалышыб. Елә буна ҝөрәдир ки, бир нечвә ил әввәл тәһсил назири Мисир Мәрдановла күсүлү олан, она гаршы мүбаризә апаран кечмиш әмәк вә әһалинин сосиал мүдафиәси назири Әли Нағыјев ҝөрәвиндән алынараг «мәдәни сүрҝүнә» ҝөндәрилди.
Диггәт: Хәбәрдән истифадә етдикдә мәнбәјә истинад лазымдыр
