Әһли Бејт -АБНА- хәбәр аҝентлијинин вердији хәбәрә әсасән: Хебер44.ҹом-ун мүсаһиби Исламазери.аз интернет гәзетинин баш редактору Һаҹы Рамин Бајрамовдур.
Салам алејкум. Һаҹы сизи хош ҝөрдүк. Сајтынызын јени дизајны мүнасибәтилә тәбрик едирик.
- Алејкум салам. Тәшәккүр едирәм, Аллаһ разы олсунСизә илк өнҹә суал вермәк истәјәрдик, бу имзатопламасы вә она ирад билдирәнләр арасында бәзиләри “сојуг мүһарибә ҝедир” ифадәсилә разысынызмы?-Суала ҝөрә тәшәккүр едирәм. Хејир мән белә демәздим. 90-ҹы илләрин сонундан Азәрбајҹанда дини иҹмалар, илаһијјатчылар арасында фикир ајрылыглары вар. Һазырда да дини ҹамеәнин ичиндә оланлар буну чох ҝөзәл билирләр. Садәҹә буну заһирдә етмирләр. Белә демәк оларса, заһири вәһдәти горујурлар. Анҹаг дедијиниз мәсәләјә ҝәлинҹә һәр кәсин фикир билдирмәк һүгугу вар. Хүсусилә илаһијјатчылар рәј билдирмәкдә азаддырлар. Инди буну ихтилаф вә фитнә кими гәләмә вермәк өзү бир ихтилаф вә фитнәдир. Сосиал шәбәкәләрдә, дини ҹамеәнин өз тәдбирләриндә Ислам Пејғәмбәрләринин варисләри сајылан Мәрҹеи Тәглидләр мүзакирәјә чыхарылыр, бәзән “филан мәрҹә Азәрбајҹанын мәсәләсини билмир” дејәрәк өз фикирләрини билдирирләр. Бәзән бунлара ирад тутанда “сиз азад фикирә дүшмәнсиниз” вә ја бир аз јумшаг сөзләрлә етиразларыны билдирирләр. Әҝәр ән бөјүк дин алимләриндә сәһв тутмаг азадлыгдырса, нијә бир мәсәләјә ирад билдирмәк фитнә вә ја ихтлаф олмалыдыр? Әҝәр минбәрдә вә ја шәхси мәҹлисләрдә мәсәлән: “ һиҹаб мәһбуслары тәләсди”, “мәсҹид сөкүлмәсинә етираз едәнләрин шүарлары сәртдир” дејилирсә вә бу шәхсләр ихтилаф едән кими гәбул олунмурса, нијә дәлил әсасында бир мәсәләјә ирад билдирәнләр ихтилаф салан кими ҝөстәрилмәлидир? Бу шеји јајанлар өзләри ја биләрәкдән, ја да ки, билмәјәрәкдән ихтилаф едәнләрдир. Сөзү ачыг демәк лазымдыр. Сәнинлә ҝөрүшәндә башга шеји, кәнара чәкиләндә исә дедијимә хилаф бир фикир сәсләндирим. Бу шеји шәхсән мән гәбул етмирәм. Үздә башга, алтда башга – исламдан узаг мүхалифәтчиләрин ишидир.
Бәзән бу ики гардаш тәрәф арасында тәһгирләр ҝөрүрүк. Буна мүнасибәтиниз?
-Ону дејим ки, мәним дә һәр ики тәрәфә ирадым вар. Јәни һамымыз билмәлијик ки, динсиз, мүнафиг вә кафир кимә дејилир. Диггәт едәк ки, кимәсә ад гојанда о ад гојмаг иманымызы јандырмасын. Фикирлә мүхалифлик олар, амма достлар арасында дүшмәнчилијә јер јохдур. Һәр ики тәрәф әхлаг нормаларына диггәт етмәли вә һеч кәсә гаршы ағыр иттиһамлар сәсләндирмәмәлидир. Истәр бу кампанијаја дәстәк вермиш олсун, истәр вермәмиш олсун, һамысы гардашларымздыр. Ад гојмагдан чәкинмәк лазымдыр. Анҹаг алимләри белә тәһгир етмәкдән чәкинмәјән бу тип инсанлар азлыг тәшкил едир. Белә инсанлар бир аз диҝәр ҹәмијјәтләрә дә чыхсы нлар, диҝәр алимләрин дә хүтбәләрини динләсинләр, дуаларында иштирак етсинләр. Билсинләр ки, ибадәтдә һеч кәсин гадаға гојмаға һаггы јохдур. Белә инсанларла ҝөрүшүмүз олур. Онлар өзләри бизә дејирләр ки, биз мангурт кими олмушуг, ҝөзәл тәдбирләрдән, мәҹлсилрәдән кәнарда галмышыг. Һәр һалда дүшүнүрәм ки, ҹәмијјәт ичинә чыхдыгҹа диҝәринә ад гојмаг вәрдиши јох олаҹагдыр. Һәр һалда тәхрибата ҝетмәк олмаз. Имзаја дәстәк вермәјәнләри тәһгир едәнләр билсинләр ки, һиҹаб мәһбусларыны, хүсусилә Һаҹы Мөвсүмү, Һаҹы Зүлфүгары, Һаҹы Талени, Һаҹы Шаһини вә диҝәр гардашлары тәһгир едирләр. Имзаја дәстәк верәнләри тәһгир едәнләр исә билсинләр ки, Һаҹы Елшәни, Һаҹы Јашары, Һаҹы Намиги, Һаҹы Фаиги вә диҝәр гардашлары тәһгир едирләр. Буна јол вермәк олмаз.
"Һуријјәт” гәзетинин веб сәһифәсиндә “имза топлама” һаггында бир мәгалә дәрҹ едилди. Бу һагда нә дејә биләрсиниз?
-Билирсиз бир јазыны охујанда о јазынын мүәллифи үзә чыхыр. Јәни Имам Әли демишкән “киши сөзләринин алтында ҝизләниб”. Јалан, бөһтан вә мәнтигсиз бир јазыдыр. Бу јазыда Мәрҹәи Тәглид Ајәтуллаһ Ҝолпајганинин адынын һалланмасы лап рүсвајвериҹиди. Тәсәввүр един, бир мәрҹеи тәглид мүҹтеһиди ондан дини титулҹа ашағы олан бир шәхсин көмәкчисидир. Бу фикирә нә дејәсән? Аллаһ һидајәт етсин. Бу јазыны нәинки бир шәхсә, бүтүн һиҹаб мүгавимәтинә јазылан бир јазы кими дәјәрләндирирәм. Чох вахт диҝәрләрини Ирана ишләмәкдә иттиһам едәнләр, өзләри ја АБШ, ја да ки, Исраилә ишләјән олурлар.
Сон олараг нә демәк истәрдиниз?
-Иншәаллаһ үзүмүзә ҝәлән Мүбарәк Рамазаны Аллаһ бизләрә мүбарәк гәрар версин. Һиҹаб мәһбусларыны азад етсин вә һиҹаб проблемини һәлл етсин. Азәрбајҹанда 20 илдән чох олмајан Ислами Вәһдәти бәрпа етсин.Амин. Мүсаһибә үчүн тәшәккүр едирик.- Чох сағ олун. Ишләриниздә уғурлар.
Әли / исламазери.аз
Диггәт: Хәбәрдән истифадә етдикдә мәнбәјә
