Әһли Бејт -АБНА- хәбәр аҝентлијинин вердији хәбәрә әсасән: Иорданијада сијаси вәзијјәт јенидән өз мәҹрасындан чыхыб. Пајтахт Амманын күчәләринә ахышан халг күтләләри илә Масон режимин тәрәфдарлары арасында тоггушмалар олуб. Ҹүмә намазындан сонра етираз аксијасына башлајан вә һакимијјәтдән тәҹили ислаһатлар тәләб едән инсанлара гаршы полис чох сәрт шәкилдә ҹаваб вериб.
Хәбәр порталлары ҹидди тоггушмаларын олдуғуну билдирир. Мәлумата ҝөрә, митинги дағытмаға чалышан полис инсанлары јумругла, тәпиклә, һәтта тахта парчалары илә дөјүб. “Полис ики груп арасында галыб - бир тәрәф ислаһат тәләб едир, башга тәрәф исә һөкумәти дәстәкләјир”, - дејә асајиши бәрпа етмәк мәгсәдилә режимин мәтбуат хидмәтинин рәһбәри Абдуллаһ Абу Рамман “Петра” дөвләт информасија аҝентлијинә данышыб.
Һадисә ҹүмә ҝүнү “Ҹүмә намазы”ндан сонра пајтахт Амманын мәркәзиндә ики груп үз-үзә ҝәләркән баш вериб. Мәһз бундан сонра һөкумәт мәсәләјә мүдахилә етмәјә мәҹбур олуб. Полис капитаны Маһмуд Әл-Һәтиб CNN-ә билдириб ки, полис “мүвафиг ҝүҹдән” истифадә едәрәк садәҹә өз ишини ҝөрүб. Анҹаг CNN журналистләринин һадисәдән һазырладыглары видеорепортажда полисин инсанлара гаршы һәддән артыг гәддарлыг нүмајиш етдирдији ачыг-ашкар ҝөрүнүб.
Бүтүн әрәб өлкәләриндә олдуғу кими, Иорданијада да нүмајишләр башлајанда әввәлҹә динҹ характер дашыјыб вә онлардан садәҹә бир групу Масон II Абдулланын истефасыны тәләб едиб. Анҹаг ҹүмә ҝүнү полисин аксија кечирән халг күтләләринә гаршы ашыры ҝүҹдән истифадә етмәси Иорданијада да иҹтимаи-сијаси вәзијјәтин ҝәрҝин олдуғуну ҝөстәрир. Һөкумәтин информасија аҝентлији баш верән гаршыдурмада иткиләрин олдуғу барәдә мәлумат вермәсә дә, 17 полисин тоггушма заманы јараландығыны билдириб. “Петра” аҝентлији садәҹә бир нечә журналистин јүнҝүл хәсарәт алдығыны јазыб. Абу Рамман журналистләрә гаршы истәнилән һүҹуму рәдд едәрәк баш верәнләри тәсадүф сајыб вә журналистләри һөкумәтин “партнјору” адландырыб.
Диггәт: Хәбәрдән истифадә етдикдә мәнбәјә истинад лазымдыр
