Әһли Бејт -АБНА- хәбәр аҝентлијинин вердији хәбәрә әсасән: Шабан ајынын он беши "Нимеји Шәбан"да Заманын саһиби Һәзрәти Мәһди (ә.ф) дүнјаја ҝәлмишдир.
Бу ҝүнүн ҝеҹә вә ҝүндүзү чох шәрафәтли вә әзәмәтлидир. Һәзрәт Имам Ҹәфәр Садигдән рәвајәтдир ки, Имам Багирдән Нимеји Шәбанын фәзиләтләри барәдә сорушдулар, Имам бујурду: "Бу ҝеҹә Гәдр ҝеҹәләриндән сонра ән фәзиләтли ҝеҹәдир. Бу ҝеҹәдә Аллаһ бәндәләринә өз фәзлини әта едәр вә онлары өз кәрәми илә бағышлајар. Бу ҝеҹәдә Аллаһа јахылашмаг үчүн сәј вә тәлаш един. Бәс бу о ҝеҹәдир ки, Аллаһ өз мүгәддәс затына анд ичиб ки, һеч бир сајили өз дәрҝаындан әлибош гајтармајаҹаг.
О ҹүмләдән бу ҝеҹәнин бәрәкәтләриндән бири дә одур ки, әсрин султаны Имам Заман бу ҝеҹәнин сәһәри дүнјаја ҝәлиб вә бу аја өз шәрафәтини бәхш едиб.
Бу ҝеҹә үчүн бир чох әмәлләр зикр олунмушдур:
1. Гүсл
2. Әһја сахламаг (истиҹфар, дуа вә с.)
3. Зијарәт Имам Һүсејн (ә) (Зијарәтләр мүхтәлыф ола биләр. Ән азындан үстү ачыг бир јерә чыхараг (дам, ејван), саҝа, сола вә даһа сонра асимана нәзәр салараг, о Һәзрәти белә зијарәт етсин: "Әссәламу Әлејкә ја Әба Әбдиллаһ, әссәламу әлејкә вә рәһмәтуллаһу вә бәрәкәтуһу").
4. Шабан ајынын салаваты ("Мәфатиһул-Ҹинан" китабында гејд едилиб)
5. Кумејл дуасы
6. Бу зикрләри ардыҹыл олараг демәк: "Субһанәллаһ", "Әлһәмдулиллаһ", "Аллаһу Әкбәр", "Ла Илаһә Илләллаһ" (һәрәси 100 дәфә)
7. Ики рәкәт намаз (1-ҹи рәкәтдә "Һәмд"+ "Кафирун", 2-ҹи рүкәтдә "Һәмд" + "Ихлас"). Намаздан сонра дејилир: "Субһәналлаһ" 33 дәфә, "Әлһәмдулиллаһ" 33 дәфә, "Аллаһу Әкбәр" 34 дәфә.
8. Сәҹдәдә бу дуаны охумаг: "Сәҹәдә ләкә сәвади вә хәјали вә амәнә бикә фуади һазиһи јәдајә вәма ҝәнәјтуһу әла нәфси, ја әзиму турҹали кули әзим, ихфирлијәл әзим вәиннәһу ла јәхфируз-зәмбәл әзимә илләр-рәббул әзим". Сәҹдәдән галхараг јенидән сәҹдәјә ҝетмәк вә демәк: "Әузу биннури вәҹһикәлләзи әзаәт ләһус сәмавату вәл әрәзун вәл кәшәфәт ләһуз зулумат вә сәләһә әлејһи әмрул әввәлин вәл ахирин мин фуҹәти нәгимәтик вә мин тәһвили афијәтик вә мин зәвали немәтик. Аллаһуммәрзугни гәлбән тәгијјән нәгијја вә минәшширки вәла кафирән вә ла шәгијјән". Сонра сағ үзүнү, сонра сол үзүнү мөһүрә гојуб дејирсән: "Әффәрту вәҹһи фиттураб вә нуггәли ән әсҹудуләк".
9. Ҹәфәр-Тәјјар намазыны гылмаг
10. Јүз рәкәтли намаз (һәр рәкәтдә "Һәмд" + 10 "Ихлас")
Шабанын 15-ҹи ҝеҹәсинин әмәлләри "Мәфатиһул-Ҹинан" китабындан ҝөтүрүлүб. Әмәлләрин ардыҹыллығына риајјәт етмәк ваҹиб дејил. Аллаһ ибадәтләринизи гәбул етсин! Бајрамыныз мүбарәк олсун!
Диггәт: Хәбәрдән истифадә етдикдә мәнбәјә истинад лазымдыр
