Әһли Бејт -АБНА- хәбәр аҝентлијинин вердији хәбәрә әсасән: Виҹдан мәһбуслары мәһкәмәдә мүбаризликләрини бир даһа нүмајиш етдирдиләр.
“Мән бурда олмағымдан гүрур дујурам. Гүрур дујурам ки, бурда халгымызын азадлығы, өлкәмизин демократикләшмәси үчүн дајанмышам. Бизи јох, дөвләтин имиҹини дүшүнүн, чүнки бу һәбсләр Азәрбајҹанын бүтүн дүнјада имиҹини зәдәләјир, дөвләти һөрмәтдән салыр...” (С.Кәримов).
“Бизи 3 ајдыр она ҝөрә һәбсдә сахлајырлар ки, биздән әмәлләримиздән пешиман олмағымыз һагда етираф алсынлар. Белә етирафдан сөһбәт ҝедә билмәз. Биз 3 ајдыр мәһкәмәни иттиһам олунмағымыз үчүн ҝөзләмәмишик. Она ҝөрә ҝөзләмишик ки, бу мүддәтдә бизи ҝүнаһсыз јерә һәбс етдикләринә, аиләләримизи мәһрумијјәт ичиндә гојдугларына ҝөрә ҝәлиб биздән үзр истәсинләр. Бизә вурулан зәрәрә ҝөрә компенсасија версинләр...”(А.Алышлы).
Бу чыхышлары дүнән Сәбаил Рајон Мәһкәмәсиндә дәмир бармаглылар архасында дајанан Ыҹтимаи Палатанын 2 апрел аксијасына ҝөрә һәбс олунан АХҸП сәдринин мүшавири Саһиб Кәримли вә ҹәбһәчи фәал Ариф Алышлы етдиләр.
Мәһбусларын вүгарлы дурушу
Дүнән нәһајәт, 2 апрел митингинә ҝөрә һәбс едилән 6 нәфәрин (Саһиб Кәримов - АХҸП сәдринин мүшавири, Ариф Алышлы - АХҸП фәалы, Зүлфүгар Ејвазов - АХҸП Низами рајон шөбәсинин рәһбәри, Бабәк Һәсәнов - АХҸП Нәриманов рајон шөбәсинин үзвү, Елшән Һәсәнов - Мүсават фәалы, Елнур Ысрәфилов - битрәф) мәһкәмәси башланды. Сәбаил рајон мәһкәмәсинин һакими Елнур Һәсәновун сәдрлији илә кечирилән мәһкәмә иҹласы саат 10:00-а тәјин олунса да 11:30-да башлады. Ләнҝимәјә сәбәб кими дустагларын Бакы Ыстинтаг Тәҹридханасындан мәһкәмәјә ҝеҹ ҝәлмәси ҝөстәрилди.
Мәһкәмәни изләмәјә јүзәдәк сијаси активист, ЫП үзвләри, ҝәнҹләр, АБШ вә Франсанын өлкәмиздәки сәфирликләринин нүмајәндәләри гатылмышдылар.
Мәһкәмәнин әтрафында чохсајлы полис гүввәләри ҹәмләнсә дә, әввәл бурда кечирилән сијаси просесләрдән фәргли олараг полис бу дәфә топлашанлара гаршы хүсуси агрессија ҝөстәрмәди. Сијаси мәһбуслар онлары дәстәкләмәк үчүн мәһкәмә өнүнә јығышанларын алгышларынын мүшајиәти алтында зала апарылды. Онларын һәр биринин чөһрәсиндә мүсбәт емосија һисс олунурду.
Зија Мәммәдовун “зәрәрчәкән” адамлары
Мәһкәмәдә тәгсирләндирилән шәхсләри вәкилләр Јалчын Ыманов, Ылгар Мусајев, Камран Мусајев, Фәхрәддин Меһдијев, Натиг Мустафајев, Мәнсум Бајрамов мүдафиә едирдиләр.
Зәрәрчәкән кими исә нәглијјат назири Зија Мәммәдовун адамлары - Сәлман Мәһәррәмов, Һәбиб Нәбијев, Елвин Мәммәдов, Ајаз Гасымов (3 сајлы Автонәглијјат ММҸ-нин нүмајәндәси), Елхан Губадов (“М-транс”-ын нүмајәндәси) зәрәрчәкән гисминдә мәһкәмәјә дәвәт олунмушдулар.
Нәинки мүшаһидәчиләрә, һеч мәһбуса да отурмаға јер олмады
Просес башладығы ан вәкилләрин илк етиразы сијаси мәһбусларын дәмир бармаглыглар архасында отурдулмасына олду. Вәкилләр буну инсан ләјагәтини алчалдан һал кими гијмәтләндирдиләр вә мүдафиә етдикләри шәхсләрин гәфәсдән чыхарылмасына даир вәсатәт вердиләр. Һаким вәсатәти гәбул етмәди. Дәмир бармаглыгларын инсан ләјагәтини алчалдан һал олмасы бир јана, онун дарлығы ҝөз-ҝөрәти проблем јаратмышды. Фактики олараг бармаглыглар архасында отурмаға јер олмадығындан мәһбуслардан ән ҹаваны Елнур просес башлајандан битәнә гәдәр ајаг үстә галды. Һакимсә вәсатәти тәмин етмәди.
Бихәбәр
Һаким зәрәрчәкәнләри диндирди. Зәрәрчәкәнләрдән Сәлман Мәһәррәмов һакимә ҹаваб верә билмәди. Онун ҹавабындан мәлум олду ки, үмумијјәтлә, нә үчүн мәһкәмәјә чағырылдығындан хәбәри јохдур.
Вәсатәтләр
Вәкилләр ҹинајәт ишинә хитам верилмәси вә тәгсирләндирилән шәхсләрин бурахылмасы үчүн вәсатәт галдырдылар. Вәкил Ылгар Мусајев истинтагдан, ја да мәһкәмәдән гачыб ҝизләнмә етималына ҝөрә тәгсирләндириләнләр барәдә һәбс-гәтимкан тәдбири сечилмәсини јанлыш гијмәтләндирди: “Бу шәхсләрин Дубајда виллалары, Јапонијада адалары јохдур ки, өлкәдән гачыб орда ҝизләнсинләр. Узагбашы ја Саатлыда олаҹаглар, ја да Шәкидә”.
Вәкилләр вәсатәтләрини онунла әсасландырдылар ки, 2 апрел аксијасында кифајәт гәдәр видеочәкилишләр апарылыб, тәгсирләндирилән шәхсләрин аксија заманы һәр һансы објектә зәрәр јетирмәләрини әкс етдирән һәр һансы ҝөрүнтү вә башга сүбутлар јохдур. Вәкилләр аксија иштиракчыларыны сахлајыб полис машынларына миндирән мүлки ҝејимли шәхсләрин мүәјјән олунмасыны вә мәһкәмәјә дәвәт едиләрәк диндирилмәләрини дә хаһиш етдиләр.
Вәкилләр иҹлас заманы журналистләрин фото вә видеочәкилиш апармасы үчүн вәсатәт галдырдылар. Һаким билдирди ки, һазырлыг иҹласы олдуғундан вәсатәти тәмин едә билмәз.
С.Кәримовун вәкили Ылгар Мирзәјев билдирди ки, мүдафиә етдији шәхсләрә гаршы галдырылан иттиһамлар гондарма вә әсассыздыр: “Бу адамлар һеч бир ҹинајәт төрәтмәјибләр, сәрбәст топлашмаг һүгугундан истифадә едибләр. Онлар јох, онларын сәрбәст топлашмаг һүгугуну әлләриндән алмыш Ата Абдуллајевләр мәһкәмәдә диндирилмәлидир”.
Һаҹыбала Абуталыбовун ҹавабдеһлији
Е.Һәсәновун вәкили Фәхрәддин Меһтијев аксијаја иҹазә вермәјән Бакы Шәһәр Ыҹра Һакимијјәтинин нүмајәндәсинин дә мәһкәмәјә дәвәт олунмасына вә диндирилмәсинә даир вәсатәт галдырды: “Бакы Шәһәр Ыҹра Һакимијјәтинин һәмин гәрары адамларын сәрбәст топлашмаг һүгугуну позуб. Әслиндә, вәзијјәтин бу јеринә чатмасынын сәбәбкарлары да Бакы Шәһәр Ыҹра Һакимијјәтиндә һәмин гәрары гәбул едәнләрдиләр. Баш верәнләрә ҝөрә онлар ҹаваб вермәлид
