Әһли Бејт -АБНА- хәбәр аҝентлијинин вердији хәбәрә әсасән: Әрәбистанын 85 јашлы вәлиәһди Султан Ибн Әбдүләзиз Али-Сәуд комададыр.
ИРНА адынын ҝизли сахланылмасыны истәјән мәлуматлы бир мәнбәјә истинадла билдириб ки, хәрчәнҝ хәстәлијинин сон мәрһәләсиндә олан вәлиәһд дүнән комаја дахил олуб вә һәкимләр хәстәнин вәзијјәтинин үмидвериҹи олмадығыны билдирирләр.
Бу мәлуматлы мәнбә һәмчинин билдириб ки, Әрәбистан вәлиәһдини мүалиҹә едән һәкимләр хәстәдә јашам әламәтләринин бир даһа мүшаһидә олунаҹағы еһтималыны сыфыра бәрабәр һесаб едирләр.
Султан Ибн Әбдүләзиз Али-Сәуд Әрәбистанын вәлиәһди олмагла јанашы назирләр шурасы сәдринин мүавини, мүдафиә назири, һава гүввәләри команданы вә Әрәбистанын Баш Тәфтиш Идарәсинин рәиси вәзифәләрини дә иҹра едир.
Әрәбистан вәлиәһдинин өлүмү илә Али-Сәуд һөкумәтиндә индијә кими ҝизли вә үстүөртүлү формада апарылан гүдрәт мүбаризәси јени мәрһәләјә дахил олаҹаг вә өлкәдә бир сыра дәјишикликләрин баш верәҹәји ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
