Әһли Бејт -АБНА- хәбәр аҝентлијинин вердији хәбәрә әсасән: Һиҹаб.орҝ Һиҹаб вә Һиҹаб Гадағасы Мәһбусларыны Мүдафиә Комитәсинин сәдри илаһијјатчы Фаиг Вәлизадә илә мүсаһибәси.
-Хаһиш едирик комитәнин јаранмасы вә һәдәфи һаггында гыса да олса мәлумат верин?
-Бисмиллаһир-Рәһманир-Рәһим!
Бу комитә 20 јанвар 2011-ҹи илдә мүгәддәс Гум шәһәриндә, бәндә дә дахил олмагла бир дәстә һәмвәтәнләримиз тәрәфиндән јарадылмышдыр. Комитәнин ән башлаҹа вәзифәси өлкәмиздә сифаришли шәкилдә Ислама гаршы башланмыш исламафобија кампанијасынын, хүсусилә һиҹаб гадағасынын ләғв олунмасы, һиҹаб мәһбусларынын һүгугуларынын горунмасы, бу сијаси вә виҹдан мәһбусларынын дәрһал азадлыға бурахылмасына наил олмагдыр. Әлбәттә, ону да гејд етмәк лазымдыр ки, комитә елә бир шәраитдә тәшкил олунмушдур ки, о вахт бәзиләри бу комитәнин фәалијјәтинә разы олмамыш һәтта, үзв олмагдан чәкинмишләр. Амма биз шәри бир вәзифә олараг, бу комитәни јаратдыг вә әсас һәдәфимиз, комитәнин адындан ҝөрүндүјү кими һиҹаб вә бу јолда һагсыз олараг шәрләниб һәбс олунанларын мүдафиәси вә азадлығыдыр.
-ҺҺГМ МК-нын ән башлыҹа ишләринә гыса ишарә едә биләрсинизми?
-Бу ҝүн бу комитә диҝәр халис, мүбариз руһијјәли тәшкилатлар вә ҹәмијјәтләр кими әлиндән нә ҝәлибсә, имкан һәддиндә гаршыја гојдуғу мәгсәдләр уғрунда фәалијјәт ҝөстәриб вә бу мүгәддәс мәгсәдә чатана гәдәр дә иншаллаһ фәалијјәт ҝөстәрәҹәк. Комитәнин ән башлыҹа фәалијјәтиндән бири истәр өлкә дахилиндә, истәрсә дә хариҹдә бу анламы вә дүшүнҹәни мүсәлман үммәтә чатдымагдыр. Азәрбајҹанда мүтәшәккил шәкилдә, дөвләт сәвијјәсиндә, Ислама вә исламчылара, хүсусилә, сон заманда һиҹаб вә һаггы һеч кәсдән горхмадан дејә билән, халис дин хадимләринә вә мөминләрә гаршы кампанијалар башлајыб. Белә олан һалда, һәр бир мүсәлманын вә дин хадиминин шәри вәзифәсидир ки, бу исламафобија кампанијасынын мүгабилиндә, ислами атрибутлары вә бу јолда ҹанлары, маллары, өвладлары илә мүбаризәјә галхмыш мүсәлман гардаш вә баҹалырымызы мүдафиә етсин.
Түркијәнин Истанбул шәһәриндә ки конфранс, Бакыдакы үмуми азәрбајҹан дин хадимләринин һиҹаб вә мәһбуслар һаггында кечирдији конфранслар вә саир фәалијјәтләр комитәнин бу јөндәки фәалијјәтләриндәндир. Бундан әлавә, комитәнин рәсми сајты (һиҹаб.орҝ) 24 саат әрзинда өлкәдә һиҹаб вә һиҹаб мәһбуслары һаггында ән сон мәлуматлары вә тәблиғатларыны дәрҹ етмәкдәдир.
-ДЕВАМ-ын “100 мин имза” кампанијасына неҹә бахырсыныз вә бу просесләрин Ислама, һиҹаб вә һиҹаб мәһбусларына нә фајдасы ја зәрәри дәјә биләр?
- Чох мараглы вә һамыны дүшүндүрән суалдыр. Белә имза кампанијасы һиҹаб гадағасы башлајан ҝүндән бүтүн рајонларда олуб. Һамы етираз етмәк истәјир. Билирсиз, бу ҝүн өлкәмиздә Ислама вә исламчылара гаршы ҝедән репрессија вә анти-ислам пргорамлырыны һамы ҝөрүр вә мүшаһидә едир. Бәзиләри бу вахта кими етираз билдирмиш, бәзиләри бу јолда һаггы мүдафиә етдикләринә ҝөрә мүхтәлиф бәһанәләрлә шәрләнәрәк зинданлара атылмыш, бәзиләри исә сусмаг јолуну сечмишдир. Һәр кәс ҝүҹү чатан гәдәр өз сәлигәси вә дүшүндүјү кими бу һадисләрин гаршысыны алмаға чалышыр.
Конкрет олараг, ДЕВАМ-ын, јәни һаҹы Илгарын бу програмы һәр кәсә өз дүшүнҹәләринә ҝөрә бир ҹүр ҝөрүнүр. Шәхсән мәнимчүн бәзи дүзәлишләри вә шәртләри дә гејд етмәклә бу програм өлкәдә Ислам вә исламчылары дәстәкләмәкдән өтрү мүнасиб етираз кампанијаларындан биридир. Ола биләр ки, һаҹы Илгар бу кампанијаны һансыса башга үнванла апарсын, амма һәгигәт будур ки, әслиндә бу кампанија бир нөв етираз имзаларынын топланмасыдыр. Буну гысаҹа олараг ашағадакы дәлилләрә әсасән демәк олар. Мән бу етираз имзалары кампанијасына ашағадакы шәкилдә бахырам:
-Бу имзалар әслиндә мүраҹиәт јох, етираз вә нә гәдәрсә шикајәтдир. Чүнки мүраҹиәт о заман олур ки, кимдәнсә нәсә истәјәсән. Бу имзалар нәсә истәмир, әксинә ачыг ајдын дөвләт тәрәфиндән гејри-рәсми исламафобија, о ҹүмләдән һиҹаб мәсәләсинә етираз вә шикајәт едир. Бу етираз имзалары әслиндә, јүз мин вәтәндашын дөвләт мәмурларынын һиҹаб гадағасына етиразы вә дөвләтдән исламафобија кампанијасынын дәрһал дајандырлымасы тәләбидир. Һәмчинин, бу етираз имзалары әслиндә, дөвләт вә дөвләт органларына јүз мин мүсәлман тәрәфиндән шикајәт әризәсидир;
-Бу етираз имзалары дөвләт мәмурларынын өлкәдә Ислам, һиҹаб вә исламчылара, өз етигадларыны горумагдан өтрү акисјаја чыхмыш вәтәндашларын шәхисијјәтләринә гаршы апарылан инсанајарашмаз амансыз һәрәкәтләринә етираз вә бу кампанијанын дәрһал дајандылырмасы тәләбидир;
-Бу етираз имзалары, әслиндә дин хадимләримизин, мөминләрин һиҹаб вә исламафобија кампанијасына гаршы мүбаризәләринин там шәкилдә һаглы олмасыны вә зинданда оланларын сијаси вә виҹдан мәһбуслары олдуғуну исбат едир;
-Бу етираз имзалары әҝәр, дөвләт тәрәфиндән мүсбәт гаршыланарса, һиҹаб проблеминин һәлли илә јанашы, һиҹаб мәһбусларынын дәрһал гејд-шәртсиз азад олунмаларыны вә онлардан рәсми шәкилдә үзүр истәнилмәсини зәрури едир; әҝәр гәбул олунмаса, бу јолда мүбаризәнин даһа мөһкәм вә ҹидди шәкилдә давам етдирилмәсини тәләб едир;
-Бу етираз имзалары әслиндә, јүз мин вәтәндашын бирнәфәсә фәрјад вә етираз сәсләрини рәсми шәкилдә јухары даирәләрә чатдырмасы вә Ислама гаршы просесләрин дәрһал дајандырылмасын тәләб едир;
-Бу етираз имзалары, нечә ајлардыр ки, етираз сәсләрини синәсиндә сыхыб сахлајан, руһи изтираб кечирән амма, нәдәнсә еһтијатланыб сәсини чыхармајан минләрлә мүсәлман гардаш-баҹыларымызын дөвләтин Ислама гаршы апардығы планлара етираз сәсидир;
