Әһли Бејт -АБНА- хәбәр аҝентлијинин вердији хәбәрә әсасән: Һиҹаб.орҝ сајты “Нур” Нәшријјат евинин тәсисчи вә директору Исҝәндәр Һүсејнзадә илә мүсаһибә алмышдыр.
-Салам, Кәрбәлаји. Дүзү сизин бу сөһбәтә разылыг верәҹәјинизи ҝөзләмирдик. Чалышаҹағыг ки, суалларымыз гыса вә конкрет олсун. Иҹазәнизлә...
-Бизмиллаһир-рәһманир-рәһим. Мән дә өз ишиниздә давамлы олдуғунуза ҝөрә тәшәккүр едирәм. Һәр һалда мүсаһибәнин баш тутмасы сизин зәһмәтиниздир. Бујурун.
- Бәзи гүввәләр Иранда јашајан, тәһсил алан вә ишләјән азәрбајҹанлы диндар зијалылары, о ҹүмләдән Һагг Јолу Елм вә Мәдәнијјәт Институтуну Азәрбајҹанда баш верән просесләрә мүдахиләдә иттиһам едирләр...
-Бир заман Ислам дүнјасы ҝөзүнү Ирагда Нәҹәфи-әшрәфә дикиб, бүтүн суалларына Нәҹәф алимләриндән ҹаваб алыб. Һазырда Гум Елм Һөвзәси мүсәлман дүнјасынын ән өнәмли елм мәркәзидир. Дин алимләри үчүн сәрһәд јохдур. Онлар дүнјанын бир башында дајаныб о бири башындакы дини ҹәмијјәти истигамәтләндирә биләр. Бу бизим мәзһәбин имтијазыдыр.
Һагг Јолу Елм вә Мәдәнијјәт Институтунун ики мүһүм функсијасы вар: дини елмләрин Азәрбајҹан ҹәмијјәтинә чатдырылмасы, Гумда тәһсил алан 300-дән артыг руһани-тәләбәјә трибуна вермәк.
ҺаггЈолу Азәрбајҹан халгынын дини суалларыны билаваситә мүҹтеһидләрә мүраҹиәтлә ҹавабландыран ҺаггЈолу.орҝ порталынын, Ислам мәдәнијјәтини тәблиғ едән “Һагг Јолу” журналынын тәсисчисидир. Портал ајда миндән јухары дини суалы ҹавабландырыр.
-Һагг Јолу ЕМИ Азәрбајҹандакы һадисәләрә јөнәли бәјанатлар верир. Буна еһтијаҹ вармы? Бәзиләри бу фикирдәдир ки, сиз Азәрбајҹан ҹәмијјәтини јахшы танымырсыныз вә мүнасибәтләриниз гејри-дәгиг ола биләр.
-Суалыныза суалла ҹаваб верим: Бир гурум ки, халгын суалларына мүҹтеһидләрдән ҹаваб алыр, сизҹә өз вәзифәләри, аддымлары барәдә алимләрә мүраҹиәт етмир? Биз Иран дөвләтинә јох, Вәлијји-фәгиһә бағлы инсанларыг. Бизим үчүн Ираг, Ливан, Иран алимләри арасында Ајәтуллаһ Хаменеинин рәји вәзифә јарадыр. Һадисәләрә мүнасибәтимиз һавадан дејил.
Дејирсиниз Азәрбајҹан ҹәмијјәтини јахшы танымырыг. Әввәла 300-дән артыг тәләбә илә сых үнсијјәтдәјик. Икинҹиси, биз елм вә мәдәнијјәт институту олараг Азәрбајҹанда баш верән һадисәләри диггәтлә изләјирик. Үчүнҹүсү вә мүһүмү, аддым атмаг, сөз демәк үчүн танышлыг бәс етмир, мәрҹә алимин ҝөстәришинә еһтијаҹ вар. Бу рабитә бизим имтијазымыздыр. Јәни биз алимләрин мөвгејини ачыглајырыг, буна гаршы чыхан алимләрә гаршы чыхыр.
-Сиз бир заман Азәрбајҹанын танынмыш инсанлары Һаҹы Илгар, Һаҹы Шаһини һиҹаб гадағасына мүнасибәтдә тәнгид етдиниз. Инди исә онлара јахын мөвге сәрҝиләјирсиниз?
- Јәгин ки, МРҸ-нин бәјанатыны нәзәрдә тутурсунуз. Амма бизим дә охшар мүнасибәтимиз олуб. Биз сүкута, фәалијјәтсизлијә, ҝөзләмә мөвгејинә гаршыјыг. Бу ҝүнә гәдәр дини кәсимдә һамы илә достлуг мүнасибәтимиз олуб. Тәнгид Ислам тәлимләринин әсасыдыр. Ән јүксәк тәһсил курсу олан хариҹ дәрсләриндә тәләбә мүҹтеһидә ирад билдирир, ҹаваб истәјир вә ҹаваб алыр. Бир заман адыны чәкдијиниз гардашлар – тәкҹә онлар јох, һәм дә бу ҝүн актив аксија тәрәфдарлары Ашурада “сәссизлијә” имза гојмушдулар. Сәбәби сорушуланда һеч бир дәлил ҝөстәрмәдән дедиләр ки, мәсләһәт беләдир. Һаҹы Мөвсүм әзизимиз бу “сәссизлик” разылашмасына мүхалиф иди. Амма кимсәни иттиһам етмәди, хәјанәтдә сучламады. Белә дә олмалы иди. Ислам азадәләрин динидир. Фәргли фикирә дөзмәјәнә Исламда јер јохдур. Бир дә инсан дәјишкән мәхлугдур. Ону бирдәфәлик јахшы, ја бирдәфилик пис сајмаг олмаз. Чох шаһид олмушуиг ки, дүнән фајдалы олан диндар бу ҝүн ҹәмијјәтә гәним кәсилир, ја әксинә, дүнәнки дүшмән бу ҝүн дост олур. Бу һәгигәт Исламдан хәбәрдар инсанлары тәәҹҹүбләндирмир.
-Сиз “100 мин имза” аксијасына дәстәк вердиниз. Чохлары буну “Језидә бејәт” адландырыр.
-Чохлары дејәндә нечә мин инсаны нәзәрдә тутурсунуз?
-Дәгиг билмирәм, олсун 200-300 нәфәр.
-Билирсинизми, “100 мин имза” аксијасында артыг 20 минә јахын имза топланыб. Ијирми минлә үч јүзү мүгајисә един. Биз әввәлҹәдән һисс етдик ки, арада фитнә еһтималы вар. Она ҝөрә дә дини вәзифәмизи өјрәндик. Сонрасы, Бејнәлхалг Әһлибејт Ҹәмијјәтинин сәдри Ајәтуллаһ Әхтәри бу аксијаја дәстәк вериб. Сизҹә, Ајәтуллаһ Әхтәри мүсәлманын вәзифәсини јахшы билир, јохса һәмин 200-300 нәфәр? Бу ҝүн бөјүк алимләр Азәрбајҹан Президентинә һөрмәтлә мүраҹиәт едирсә, сәһвә јол верир? Ајәтуллаһ Сафи Ҝүлпајиганидән ҹаныјанан олмушуг Ислама?! Ҹәфәр Сүбһанинин президентә мәктубуну бир охусунлар.
Бәли, биз вәсифәмизи өјрәниб дәстәк вердик. Ҝөрән бу ҝүн 100 мин имза саһибини хәјәнәткар адландыранлар да вәзифәләрини өјрәнибләрми? Бу хәјанәткар иттиһамынын гијамәтдә сорғусу олмајаҹаг? Бахын вәһабиләрә, гаршыларына чыханы кафир, динсиз, хәјанәткар адландырырлар. Бу бизим мәктәбин әнәнәләринә јад мүнасибәтдир.
-“100 мин имза” һиҹаб мәһбусларыны көлҝәдә гојмајаҹагмы?
-Биз бу кампанијаны мүгәддимә сајырыг. Сиз тәһсил назирлијинин гаршысындакы аксијаларда һиҹаб мәһбусларыны јада салан шүар, плакат ҝөрмүсүнүз? Мән ҝөрмәмишәм. Нә үчүн инсанлара фәрг гојаг? Өзүн ҝөрмәдијин иши башгасындан неҹә тәләб едә биләрсән?!
-Гум тәләбәләрини, Һагг Јолуну ара гарышдырмагда иттиһам едәнләр дә вар.
-Кимләр?
-Мәсәлән, Фаҹебоокда.
-Биз рәсми гурум олараг рәсми бәјанатлара мүнасибәт билдиририк. Ҹидди гурумлар өз мөвгејини бә
