Әһли Бејт -АБНА- хәбәр аҝентлијинин вердији хәбәрә әсасән: Өлкә әразисиндә ики ҝүн әрзиндә өлүм вә хәсарәтлә нәтиҹәләнән јол гәзалары баш вериб.
Дахили Ишләр Назирлијинин мәтбуат хидмәтиндән верилән мәлумата ҝөрә, республиканын автомобил јолларында ијулун 2-дә 6 јол-нәглијјат һадисәси баш вериб, нәтиҹәдә 5 нәфәр өлүб, 5 нәфәр исә јараланыб. Ијулун 3-дә исә 4 јол-нәглијјат һадисәси баш вериб, нәтиҹәдә 1 нәфәр өлүб, 11 нәфәр исә јараланыб.
Белә ки, ијулун 2-дә саат 21:00 радәләриндә Газах рајонунун Ағкөјнәк кәнди әразисиндә, Ҹәфәрли кәнд сакини Набат Вәлијева "Һјундаи Соната" маркалы автомашыны идарә едәркән ону ашырыб. Хәсарәт алмыш сүрүҹү вә сәрнишинләр Турал Гурбанов вә Ҝүлнар Һәсәнова хәстәханаја јерләшдирилибләр. Ҝ.Һәсәнова хәстәханада өлүб, диҝәрләринин вәзијјәтләри исә гәнаәтбәхшдир.
Һәмин ҝүн Гусар рајону әразисиндә, мүәјјән едилмәмиш автомашынла шәһәр сакини Паша Мәммәдов вурулуб. П.Мәммәдов алдығы хәсарәтдән һадисә јериндә өлүб. Гусар рајон Полис Шөбәси әмәкдашларынын һәјата кечирдикләри әмәлијјат-ахтарыш тәдбирләри нәтиҹәсиндә һадисәнин "Тојота Ҹамрј" маркалы автомашынын сүрүҹүсү Маһир Бәкиров тәрәфиндән төрәдилмәси мүәјјән едилиб. О, автомашынла бирҝә сахланылыб.
Ејни ҝүндә Гусар рајонунун Ләҹәт кәнди әразисиндә, кәнд сакини Натиг Рүстәмов "ГАЗел" маркалы автомашыны идарә едәркән 2 јашлы Гурбан Шыхзадајеви вуруб. Г.Шыхзадајев алдығы хәсарәтдән һадисә јериндә өлүб.
Ҝүнүн диҝәр јол гәзасы Бакынын Хәтаи рајону әразисиндә олуб. Рајон әразисиндә, шәһәр сакини Агил Иманов "ВАЗ-2107" маркалы автомашыны идарә едәркән һәмјерлиси Николај Мартинову вуруб. Н.Мартинов алдығы хәсарәтдән һадисә јериндә өлүб.
Ијулун 3-дә исә Бакынын Гарадағ рајону әразисиндә аналожи һадисә баш вериб. Мүәјјән едилмәмиш автомашынла 40-45 јашлы киши вурулуб. Һадисә ҝеҹә саат 02:00 радләриндә Саһил гәсәбәси әразисиндә гејдә алыныб.
Бинәгәди рајону әразисиндә исә мүәјјән едилмәмиш автомашынла Бакы шәһәр сакини Фаиг Һәмдизадә вурулуб. Хәсарәт алмыш Ф.Һәмдизадәјә хәстәханада тибби јардым ҝөстәрилдикдән сонра бурахылыб.
Диггәт: Хәбәрдән истифадә етдикдә мәнбәјә истинад лазымдыр
