Әһли Бејт -АБНА- хәбәр аҝентлијинин вердији хәбәрә әсасән: "Тһе Телеҝрапһ" билдирир ки, ушаглар артыг 3 ајлыг оланда гәмли сәсләри нејтрал сәсләрдән дәгиг ајрыд едә билирләр. Арашдырмалар ҝөстәрир ки, көрпәләрин бејинләринин емосијаларын "емал"ына ҹавабдеһ олан һиссәләри гәмли сәсләр ҝәләндә даһа сүрәтлә фәаллашыр.
Лондонун Крал вә Университет коллеҹләриндә апарылмыш тәдгигатларда 3-7 ајлыг ушаглар мүајинә олунуб. Онларын бејин фәаллығынын сканлашдырылмасы үчүн алимләр магнит-резонанс томографијасындан истифадә едибләр. Мәлум олуб ки, ушаглар су вә ја ојунҹаг сәсләри илә мүгајисәдә инсан сәсләринә - мәсәлән, әснәмәк вә ја өскүрәк - даһа тез алышырлар.
"Ҝөрүнүр, инсан сәси о гәдәр мүһүм сосиал сигналдыр ки, бејин онун "емал"ына лап кичик јашларда башлајыр. Бу, сосиал тәрәфдашлыг вә дил өјрәнмәјин ән биринҹи мәрһәләси дә сајыла биләр", - Лондон Крал Коллеҹинин әмәкдашы Анна Блејзи билдириб.
Диггәт: Хәбәрдән истифадә етдикдә мәнбәјә истинад лазымдыр
