Әһли Бејт -АБНА- хәбәр аҝентлијинин вердији хәбәрә әсасән: Јунаныстанда дүнәндән башланмыш үмумхалг тәтили иғтишашларла әвәзләниб.
ББС-нин вердији мәлумата ҝөрә, һөкумәтин игтисади сијасәтинә етираз едән күтлә полислә тоггушмаја ҝедиб. Ән ҹидди тоггушма Афинада, өлкә парламентинин бинасы јахынлығында баш вериб. Нүмајишчиләр полиси даш-галаг едиб, машынлара од вуруб, мағазаларын шүшәләрини сындырыб. Инсидент заманы 50-дәк инсан јараланыб. Онларын 37-си полисдир. 14 иғтишашчы һәбс олунуб.
Русија КИВ-ин вердији мәлумата ҝөрә, Афина күчәләриндә нүмајишчиләрлә полис арасында давам едән тоггушмаларын фонунда өлкәнин дүз 65 шәһәриндә тәтилдир.
Бу шәһәрләрдә нә хәстәханалар, нә аеропртлар, нә гатарлар, нә бәрәләр ишләјир. Бир сөзлә, Афинада еһтираслар ҹошуб, диҝәр шәһәрләрдә исә һәјат "донуб"…
Диггәт: Хәбәрдән истифадә етдикдә мәнбәјә истинад лазымдыр
