Әһли Бејт -АБНА- хәбәр аҝентлијинин вердији хәбәрә әсасән: Бир ајдан артыг вахт кечмәсинә бахмајараг, Азәрбајҹан Ислам Партијасынын өлкә президенти Илһам Әлијевлә ҝөрүшмәк истәјинә рәсми даирәләрдән һеч бир ҹаваб ҝәлмәјиб. Сон заманлар өлкәдә диндарлара гаршы давам едән тәзјигләрлә бағлы өлкә рәһбәрини шәхсән мәлуматландырмаг истәјән исламчыларын бу истәјинин гаршысынын биләрәкдән алындығы барәдә фикирләр сәсләнмәкдәдир. АИП мәтбуат хидмәтиндән ФактХебер.ҹом-а дахил олан мәлумата ҝөрә, мәсәләнин актуаллығыны нәзәрә алан Азәрбајҹан Ислам Партијасы бу мәгсәдлә бәјанат вериб. Бәјанатда дејилир:
“Азәрбајҹан халгы гәдим адәт-әнәнәләрә маликдир. Мүсәлман Азәрбајҹан ҹәмијјәти узун әсрләрдир ки, Ислам дининин бәшәри дәјәрләрини өзүнүн һәјат тәрзиндә, ҝүндәлик мәишәтиндә јашадыр, гәлбиндә Аллаһ хофуну, аллаһ горхусуну горујур. Мәһз бу кејфијјәтләринә ҝөрә, халгымыз өзүнәмәхсус тарихә, әразијә, тәкрарсыз мәнәви варлыға маликдир.
Дүнјанын ајры-ајры гүтбләриндә, хүсусилә, сон онилликләрдә Ислама гаршы атылан аддымлар, АБШ-ын мүсәлман өлкәләринә - Фәләстин, Ираг, Әфганыстан кими зәнҝин тарихи олан дөвләтләрә гаршы ишғалчылыг сијасәти, о ҹүмләдә, өлкәмизин 20 фаиз әразисинин ермәни тәҹавүзүнә мәруз галмасы һәр бир мүсәлманы нараһат етмәлидир.
Бу ҝүн Азәрбајҹан Ислам дүнјасынын бир парчасы кими, глобал проблемләрлә үз-үзәдир. Өлкәмизин әлверишли ҝеосијаси мәканда јерләшмәси, зәнҝин тәбии еһтијатлара малик олмасы дүнјанын малијјә ресурсларына нәзарәт едән бејнәлхалг сионизмин диггәтиндән јајына билмәз. Әлбәттә, өлкәмизә нүфуз етмәк, реҝионда ҝеостратежи нәзарәти әлә кечирмәк үчүн дәридән-габыгдан чыхан Исраил вә диҝәр Гәрб дөвләтләри, о ҹүмләдән АБШ Азәрбајҹанда иламофобија тәзаһүрләринин јајылмасында милли-мәнәви дәјәрләрин ашынмасы вә тәдриҹән арадан ҝетмәсиндә мараглыдырлар. Онлар христиан тәәссүбкешлији ҝөстәрәрәк, һәтта Гарабағ проблеминин Ермәнистанын мараглары чәрчивәсиндә һәлл олунмасыны истәјир, буна һәртәрәфли зәмин јарадырлар.
Азәрбајҹан Ислам Партијасы халгымызын ҝүҹү дөвләтә, сағлам мәнәвијјаты олан ҹәмијјәтә малик олмасы, һеч бир тәзјигә вә тәҹавүзә мәруз галмамасы үчүн бүтүн гүввәсини сәрф едир. Һијләҝәр дүшмәнин перспектив планларыны дәрк едәрәк, онун маскасыны јыртмаға чалышан исламчылар мөвҹуд шәраити дүзҝүн гијмәтләндирмәк мәгсәдилә дөвләт башчысы илә ҝөрүшә вә мүзакирәләрә гәрар вердиләр.
Биз өлкә президентинә мәктубла мүраҹиәт етдик, бунунла бағлы Президент Апаратына дәвәт алдыг. Вә орадакы мәсулла ҝөрүшүн сәбәбләри вә мүзакирәләри вә деталлары барәдә фикирләримизи бир даһа ачыгладыг. Илк бахышдан һәр шеј разылыгла динләнилди вә дөвләт башчысы илә ҝөрүш зәрурәти бир даһа тәсдиг олунду.
Билдирмәлијәм ки, Дағлыг Гарабағ проблеминин һәллиндә бејнәлхалг тәшкилатларын гејри-објектив мөвгеји, ермәни тәҹавүзүнә дүнја бирлијинин ҝөз јуммасы вә Азәрбајҹан рәһбәрлијинә ҝүзәштли шәртләрә имза атмаг тәклифи артыг һамымыза бәллидир. Бу мәсәләнин – истәр бејнәлхалг тәшкилатлара әдаләтли мөвге тутмагдан өтрү тәзјиги, истәрсә дә проблемин башга васитәләрлә һәлли Азәрбајҹан ҹәмијјәтинин давранышындан, сәрт тәләбләрлә чыхышындан чох асылыдыр. Һәм дә Вәтән јолунда ҹанындан кечә билән чохсајлы вәтәндашларынын варлығыны дүшмәнә ачыб ҝөстәрмәк лазымдыр.
Диҝәр мәсәлә, дахили зиддијјәт вә халг-һакимијјәт етмиадсызлығыны јарадан вә бу етимадсызлығы даһа дәрин дүшмәнчилијә учурума чевирән һалларын тәзаһүрүдүр. Исламофобија, ҝүнаһсыз инсанларын тәгиб олунмасынын, һәбсинин ҝетдикҹә күтләви һал алмасы ҹәмијјәтә артыг сирр дејил. Вәтәндашларын бөһтан вә шәрлә ләкәнәрәк ҹәмијјәтдән тәҹрид олунмалары зиддијјәтләрин даһа узун илләрә өтүрүлмәси, сүни һиҹаб проблеминин ортаја атылараг мөмин аиләләрин өвладларынын тәһсил оҹагларынын зорла говулмалары, онларын савадсыз галмалары исә һакимијјәтә нифрәтин бир нечә нәсил тәрәфиндән унудулмајаҹағы шәксиздир.
Бу вә садаланмадығымыз кими талејүклү мәсәләләрин һәлли өлкәнин үмуми, дахили вә хариҹи сијасәти илә сых бағлы олдуғуну дәрк етдијимиз үчүн һәллинин дә јалныз дөвләт башчысыснын сијаси ирадәсиндән асылы олдуғуну билирик.
Азәрбајҹан дөвләтчилијинин марағы, халгын ҝәләҹәк талејинә биҝанәлијин гурбаны ола билмәз. Тәәссүфедиҹи бир мәгамла үз-үзәјик. “Десәм өлдүрәрләр, демәсәм, өлләм” дејими јада дүшүр. Бәс ҝөрәсән онлары нә марагландырыр? Халгын дәрд-сәрини онун бир кәсими илә мүзакирә етмәк, арашдырмаг, чыхыш јолларыны бирҝә мүәјјәнләшдирмәк јахшыдыр, јохса өзҝә гапыларында бојну бүкүк шәкилдә кимдәнсә рәһм, әдаләт диләмәк?
Бир дејими дә јада салмаг јеринә дүшәр: “Елинә архаланан иҝид басылмаз”, мән дејәрдим, белә сәркәрдәни басгыја мәруз гојмаға һеч кәс ҹүрәт дә етмәз.
Мән бу ҝүн бир даһа әмин олдуғуму бәјан етмәк истәјирәм ки, Азәрбајҹан рәһбәрлији халгын истәк вә арзуларына, гаршылашдығы чәтинликләри, дөвләтин вә дөвләтчилијин глобал проблемләрини ја һәлл етмәк истәмир, ја ону һәлл етмәк үчүн кифајәт гәдәр сијаси ирадәјә малик дејил.
Башга бир манечилији исә дөвләт башчысына онун әһатәсиндәки инсанларын гејри-сәмими мүнасибәтләриндә ҝөрүрәм.
Үчүнчү сәбәби сизин дә арашдырмағыныза еһтијаҹ вардыр.
Елчин Манафов
Азәрбајҹан Ислам Партијасынын мүвәггәти сәдри”
Диггәт: Хәбәрдән истифадә етдикдә мәнбәјә истинад лазымдыр
