Әһли Бејт -АБНА- хәбәр аҝентлијинин вердији хәбәрә әсасән: Бакы-Губа-Русија сәрһәди јолунун 180-ҹы километрлијиндә, Губа рајонунун Сусај кәнди әразисиндән кечән һиссәсиндә 1 нәфәрин өлүмү, 3 нәфәрин јараланмасы илә нәтиҹәләнән јол-нәглијјат һадисәси баш вериб. Баш Дөвләт Јол Полиси Идарәсинин (БДЈПИ) Истинтаг вә Тәһгигат шөбәсинин баш мүстәнтиги Һикмәт Кәримовун вердији мәлумата ҝөрә, Губа рајон сакини 33 јашлы Саһиб Бағыров идарә етдији “ВАЗ-2107” маркалы машынла Самух истигамәтинә ҝедәркән әкс истигамәтдә һәрәкәт едән Хачмаз рајонунун Һәбибкәнд сакини 73 јашлы Сабит Аллаһвердијевин идарә етдији “ВАЗ-2106” маркалы машынла тоггушуб.
Саһиб Бағыров вә “ВАЗ 2106”дакы сәрнишинләр тәҹили олараг Губа рајон Мәркәзи Хәстәханасынын Ҹәрраһијјә шөбәсинә чатдырылсалар да, һәкимләрин сәјинә бахмајараг јаралылардан Һәбибкәнд сакини, 58 јашлы Наиб Һурәһмәд оғлу Нурәһмәдов сәһәр саатларында орада өлүб.
Диҝәр јаралыларын исә мүалиҹәси давам едир.
Һикмәт Кәримовун вердији мәлумата ҝөрә, һадисәјә “ВАЗ 2106”-нын “ВАЗ 2107”-нин јолуна чыхмасы сәбәб олуб.
Фактла бағлы Истинтаг вә Тәһгигат шөбәсиндә АР ҸМ-нин 263.1-ҹи маддәси илә ҹинајәт иши ачылыб.
Диггәт: Хәбәрдән истифадә етдикдә мәнбәјә истинад лазымдыр
