Әһли Бејт -АБНА- хәбәр аҝентлијинин вердији хәбәрә әсасән: Оғуз рајонунда ағыр јол гәзасы баш вериб. Оғуз рајон Полис Шөбәсиндән (РПШ) верилән мәлумата ҝөрә, 1 нәфәрин өлүмү, 3 нәфәрин ағыр хәсарәт алмасы илә нәтиҹәләнән гәза Гарамәрјәм-Исмајыллы-Шәки маҝистрал јолунун 113-ҹү километрлијиндә, Гуллах кәнди әразисиндә гејдә алыныб.
Шәки рајон сакини Бәкиров Әфган Һүмбәт оғлунун идарә етдији “Мерҹедес-Бенс” Е-200 маркалы автомобил идарәетмәни итирәрәк јолун кәнарындакы ағаҹа чырпылыб. Автомобилин сүрүҹүсү Әфган Бәкиров, сәрнишинләр -1990-ҹы ил тәвәллүдлү Туранә Мәммәдова, онун оғлу – 2010-ҹу ил тәвәллүдлү Мәммәдов Исмајыл Сәрхан оғлу, Туранәнин гардашы 1966-ҹы ил тәвәллүдлү Елчин Рәҹәбов мүхтәлиф дәрәҹәли бәдән хәсарәтләри алыблар. Ушаг һадисә јериндә дүнјасыны дәјишиб. Диҝәр јаралылар исә хәстәханаја јерләшдирилибләр.
Мәлумата ҝөрә, әслән Шәки рајонунун Охут кәндиндән олан Т. Мәммәдова һазырда Украјнанын пајтахты Кијевдә јашајыр вә аиләси илә бирҝә Шәкијә ҝедирмиш.
Фактла бағлы Оғуз РПШ-дә ҹинајәт иши башлајыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
